قصيدة اعتراف للشاعر فيصل بن طواله
تويتر المصدر فيسبوك المصدر



العودة   المصدر السعودي > المنتدى العام > استراحة الاعضاء > الشعر والخواطر




المواضيع الجديدة في الشعر والخواطر


إضافة رد
 
أدوات الموضوع انواع عرض الموضوع
قديم 14-07-2012, 04:37 PM #1
الكـايد

ملكي



قصيدة اعتراف للشاعر فيصل بن طواله
من ديوان اشراقه
والقليل امن الكلام أحيان يغني عن كثيره ,وأدي إن النهر جاري 00 والمدى ماهو ضــــــــــفافـه




إيه أخاف الله وأعرْفَه واحْسِب احسابه وأخــــــــــافــه
وآتطمّن لاذكرته00مااذْكر إني خفت غيره
أدري إن الله كبير 00 ولا على ربي كــــــــلافــــــــه
وأدري إن العبد يزبن 00 وأدري إن الله يجيره
وأدري (( الدين النصيحه )) وإن (( الإيمان النظافه ))
والقليل امن الكلام أحيان يغني عن كثيره
وأدي إن النهر جاري 00 والمدى ماهو ضــــــــــفافـه
وأدري إبن آدم امسير 00 والله اعلم باالسريره
وأدري إن البدر يكْمل بعْد مرْحلْة إنــــــــــــتصافـــــه
وأدري إن العمر يفنى 00 وطولت الأعمار خِيره
بس (( يابنت الحضاره والقلم وأُم الــــــــــثقافــــه ))
ياالفتاة الدارسه00 والمدركه00 والمستنيره
لاتحسبين الثقافه شقلبة (( نونه وكــــــــافـــــــــه ))
الثقافه باالثوابت 00 والمبادي مستديره0!
لاتذمين التقشف 00 وانتي اسباب الشـــــــــــفافـــــه
إتركي (( كسر الخواطر )) لاتصيرين الجبيره00!!
الأسد ماهو طويل 00 وياصل (( ارقبة الــــــزرافه ))
والوعي مرات يرمي (( صاحبه )) وسط الحظيره00!!
خلي المستور يمرح (( وأكثر العالم )) لحـــــــــافــــه
ليه ننبش في بعضنا00؟؟ والله أوصى باالستيره
الغريبه كلبونا00 نشتكي كثر الـــــــــكسافـــــــــــــه
آه ياليت (( أغنايانا )) شافت الناس الفقيره00
الحقيقه حيل مُرّه 00 وأدري إن فيها جـــــــلافــــــــه
لكن الردّه اتعوض 00 بعض الأحيان الكسيره00!
يزعل امن الراي أعوج 00 يمتلي باالحقد تـــــــافـــه
يفهم المعنى لبيب 00 والله الله باالبصيره
أعترفلك (( وأصغي لمثلي )) إذا قال أعتــــــرافـــــه
مابقى للطير عشّ 00 ولالبارودي ذخيره
شاعرك (( إنسان واثق )) به كثير امن الصـــــلافـــه
مانهض طرفه غرور 00 ولاشعت قلبه شهيره
ماتشببت ابقصيدي 00 ارتجي عطف ولـــــــطافـــــه
ولانضرت الشعر عبد 00 ولاكسر عيني اميره00!
راكد ابطبعي 00 ولاني من محبين اللـــــــــــــــقافـه
ابدي الراي بأمانه 00 والمحنّك استشيره
ماخذيت الشعر مهنه 00 أو تعمدت إحتـــــــــــــرافه
ولاجمعت الزيف (( معْشر )) وأعتبرته لي مسيره00!!
إبدويٍ في زمانه (( تشعب الأحزان )) قــــــافـــــــــه
(( أجمل أيامه )) تعدت 00 من ورى ظهره مريره
صدقيني كنت جاهل حيل 00 بأعراف الصــــــحافــــه00!!
كان همي: هو قصيده (( تطلع )) وصوره نظيره
كنت ألوم (( أهل المجله )) ليه مااتصدّر غــــلافــــــه00؟؟
من متى (( شعر الفرزدق )) كان أقوى من (( جريره ))00؟؟
لين شفت إني مضيّع 00 أجمل سنيني ســـــــــخافـــه
وإكتشفت إن (( الكبير )) يشوف خلق الله كبيره00!!
إكتشفت أشيا00وأشيا00والذكي عند إكتـــــــــــشافه
00مايقول إنه :مفتّح وإن خلق الله ضريره00!!
شرهتي كانت كبيره (( في بعضهم )) وآحــــــــــسافه
والخطا وارد00 وبعض الناس (( ماتدمح )) صغيره00!؟
يمكن إني كنت (( ثاير )) من زماني وإنــــحرافـــــه
لكن إني كنت (( قانع )) باالقدر شره وخيره
الوكاد 00 القلب ماهو للندم راعي إرتـــــــــــجافه
الشتا مر وتعدى 00 ماترك الا هجيره00!!
اعشق (( الغصن النديّ )) ولاابرق بإنعــــــــــطافه
والرجل (( يخطي شعوره )) بس00 مايدرك مصيره00!!
يكفي امن (( الشعر )) ناسٍ معرفتهم لي00 خِـــــلافه
فيهم (( المبدا صريح )) ولابهم حقدٍ وغيره
أمشي (( دروب المراجل )) والمناعير00 المــــسافه
وافتخر في كل طيّب 00 حتى لو ماله عشيره
حيل يشبهني قصيدي (( وأصدق الشعر )) إختــــــلافه
شاعرٍ هادي ولكن00!! أعشق الأشيا المثيره00!!




رد مع اقتباس
قديم 14-07-2012, 07:43 PM #2
روجينا

v.i.p

يعطِـــيكْ العَآفيَـــةْ..
عَلَـــىْ روْعـــَــةْ طرْحِـــكْ’..
بإآنْتظَـــآرْ الَمزيِــدْ منْ إبدَآعِكْ ..
لــكْ ودّيْ وَأكآليلَ ورْديْ
رد مع اقتباس
إضافة رد

مواقع النشر (المفضلة)

الكلمات الدلالية (Tags)
اعتراف , بن , طواله , فيصل , قصيدة , للشاعر

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة خيل الفسق للشاعر فيصل بن طواله الكـايد الشعر والخواطر 1 14-07-2012 07:37 PM
قصيدة الخطيبه للشاعر فيصل بن طواله الكـايد الشعر والخواطر 1 14-07-2012 07:15 PM
قصيدة عرش الطخامة للشاعر فيصل بن طواله الكـايد الشعر والخواطر 1 14-07-2012 07:02 PM
قصيدة حايل للشاعر فيصل بن طواله الكـايد الشعر والخواطر 1 14-07-2012 06:55 PM
قصيدة اشراقه للشاعر فيصل بن طواله الكـايد الشعر والخواطر 1 14-07-2012 06:54 PM


الساعة الآن 04:14 PM


Powered by vBulletin® Version 3.8.7
Copyright ©2000 - 2017, vBulletin Solutions, Inc.