( ابــشـــركـــم انـخـطـبـت )
تويتر المصدر فيسبوك المصدر



العودة   المصدر السعودي > المنتدى العام > استراحة الاعضاء




المواضيع الجديدة في استراحة الاعضاء


إضافة رد
 
أدوات الموضوع انواع عرض الموضوع
قديم 17-06-2007, 09:32 PM #1
رغوووده

ملكي


ابــشـــركـــم انـخـطـبـت

ابــشـــركـــم انـخـطـبـت

من بريدي - هذي قصه منقوله لبنت تحكي عن نفسها وتقول :



( ابــشـــركـــم انـخـطـبـت )



كنت قاعدة اتفرج عالتلفزيون ... متابعة مسلسل ..



وجا مشهد زواج وحدة من الشخص اللي تحبه من زمااااان ...



قلبت القناة على قناة ثانيه ...



لقيت عرض أزياء فساتين عرايس...



قلبت القناة .. لقيت خطوات وضع مكياج العروس ...



سكرت التلفزيون وجريت الونة " تنهيدة كبيرة " تشقق الصدر



التفت علىّ ابوي اللي نسيت تماما انه كان جنبي ... قال لي ابوي :



خير إن شاء الله يابنتي ؟! وش فيك ؟! عسى ماشر ؟!



انا تلخبطت ساعتها وفتحت له التلفزيون وقعدت ساكتة ...



ايه اكيد بسكت وش اقول ؟ اقول له ودي أعرس ؟؟؟ ( يعني اتزوج بالعربي ) ...



اقول له ان صاحباتي اغلبهم تزوجوا ؟؟؟



وإلا أقول له إني تمنيت أكون مكان بنت خالي في كوشتها وفي الزفة أمس ؟



يقطع الدراسة وسنينها ياشيخ ...



اوف والله غثا .. يا بخت جداتنا ماتطق الوحدة العشر سنين إلا هي مخطوبة ..



وعلى الثنعش اعرست ..



وان وصلت البنت ثمنطعش ما اعرست قالوا عانس !!!



هذوليك البنات اللي عايشين صح مُبْ حنا اللي نعجز ونوصل سن اليأس ما اعرسنا ...



أخخخ .. يُبه الله يفتح عليك وتخليني اعرس ... وتفكني من الدراسة ...



وساعة انا غارقة في قاع هذي الهواجيس ويرن التلفون ويقطع حبل افكاري ...



طالع الرقم ابوي وقال رقم غريب ... رد بلهجة رسميه :



- وعليكم السلام .....



الله يسلمك .....



الحمد لله بخير .....



ايه أنا أبوفلانة ( منيب قايلة لاحد عشان محد يعرفني ويضحك علي ) ....



لا منت غلطان انا هو ...



ماعليك زود الله يسلمك ...



من معاي ياخوي ماعرفتك ...



والنعم .... تفضل وش السالفة اللي تبيني فيها ؟....



لا ماني مشغول ...



لهالدرجة الموضوع مهم ؟!...



تفضل تكلم شغلتني ...



والتفت ابوي علي وعطاني نظرة غريبة ..



انا ساعتها قرصني قلبي مو من ردود ابوي بس من نظراته الغريبة ..



رد ابوي على المتصل : وش فيها زود طيب ؟...



لا بس مافيها أي ميزات عن الباقي ...



اقول في نفسي .. ودي ارجفك يبه واخذ السماعة منك واكلم الرجال ناشر غسيلي حتى عند الرجاجيل ..



رد ابوي على المتصل : طيب وبعدين ... أيوه ....



طيب وش اسمك الكامل ؟



وش تشتغل بالضبط ؟



طيب من دلك علي وعطاك رقمنا ؟



لا الموضوع يا ابني مو بهالبساطة ....



العملية مش بيع وشرى وبس ...



الواحد لازم يسأل كثير ويحرص قبل يقدم على أي خطوة ...



لا موضوع انك تجي لبيتنا خليها بعدين ...



لين أسأل عن كل صغيرة وكبيرة ...



لا لما اكتفي من السؤال وأخذ المعلومات اللي تكفي .. باتصل عليك تجي ونتفاهم ويكون خير إن شاء الله ..



انا كنت اتابع حركات ابوي وانا متشققة من الفرحة ...



أخيرا انخطبت وبتزوج مثلي مثل غيري ...



يوووووه أخيرا بلبس فستان أبيض منفووووووش



أخيرا بطلع أجهز واتقضى للزواج ...



بسوي زواج كبير مررررررة



وبحط زفة ريميكس وطرحتي مابيها خليجية بخليها مبتكرة ...



منيرة منيب عازمتها هي وخواتها .. ماعزموني الأسبوع اللي فات على الدي جي اللي سووه ...



وحصة صديقة امي منيب عازمتها بعد مطوعة مالي خلقها تحوسني لو حطيت اورج ...



وبشتري أغراض واشيل واحط واخطط ... بيصدع راسي بس ولو لذيذ هالصداع ...



يوم قفل الخط ابوي التفت علي وهو مبتسم ابتسامة تعجب وهو ساكت ... قلت :



- هاه يبه ؟ متى بيجي يشوفني ؟



- منهو



- هذا اللي خطبني تو



- وشو؟!



- خطيبي اللي تو



- تموووووونين انتي ووجهك صار خطيبك على طول ماعندك وقت ..



- ايه يبه ترا احذرك هالمرة شف تكرش العريس .. مثل ماكرشت ولد أم مساعد العام الماضي .





للحين تراها حازة في نفسي ..



ترا هالمرة بضرب عن الدراسة ...



والا الاكل مقدر اضرب عنه ...



وجع يبه بعنس من تحت راس فعايلك بخطاطيبي ...



والرسول حث على تزويج من ترضون دينه وخلقه ...



وهذا الخاطب قايل قلبي انه أجودي .. ترا ما اعرفه بس اتوقع انه كذا...



وترا العرس أهم من الدراسة عشان الجنس البشري ماينقرض ....



وبعدين من قال لك اني منيب مكملة دراستي والله بكمل .



حسيت ان عيون ابوي بتطلع من شدة علامات التعجب اللي في وجهه .. بعدين انفجر من الضحك .



- هي انتي وين رحتي ... حدك حدك لا تشطحين !!!



- وش اشطح ؟!



هذي الحقيقة يبه والحقيقة ماتزعل .. وانت الله يطول لنا بعمرك علمتنا على الصراحة وحب الحقيقة



- أي عريس وأي هم؟؟!!



انتي مصخنة ؟؟



هذا المتصل مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ ..



قومي نامي يابنيتي .. ولا تكثرين قعدة قدام التلفزيون ... الحين بس عرفت ليه سكرتيه تو...



انا لا تسألون عن وجهي ...



الله يقطع أم العجلة اللي تعرفونها ....



مشكلتي اني أجزم على طوووووول قبل أتأكد



استروا ما واجهتوا


عقبال الجميع

ابــشـــركـــم انـخـطـبـت


رد مع اقتباس
قديم 17-06-2007, 10:10 PM #2
الصقر

v.i.p
افتراضي

ههههههههههههههههههههه

<< مفحط يقول خلني ابارك للبنت قبل الزحمه


خخخخخخخخخخخخخخخخخ


لا والثانيه الله يعينها من الفشيله


يسلموووو على المقلب رغد
رد مع اقتباس
قديم 17-06-2007, 10:18 PM #3
اليتيم

ملكي
افتراضي

ههههههههههههههههههههههههههههه









الله يوفق كل البنات بالزوج الصالح











رغووووده الله يسعدك
رد مع اقتباس
قديم 18-06-2007, 09:47 PM #4
المصدرية

زائر
افتراضي

يسلمو رغووودة

يعطيك العافية
رد مع اقتباس
قديم 18-06-2007, 10:14 PM #5
حجـ بنوتةــازية

مشرف
افتراضي

رغووووده قصة رائعة تسلم الانامل

وعلى فكررره ترى البنات مليانيين ينتظرون ابن الحلال

يدق الباب والله يرزقهم

بس ما عاد فيه رجال زي اول

الحين شبابنا الله يستر عليهم ما فيه غير السفريات والدشره

واللف في الاسواق والشوارع

تشوفين الكشخه تقولي يا سلام بس لو فتشتي جيبه ما فيه ولا ريال

وما خفي كان اعظم

قال رجال قال ...................؟؟؟؟؟
رد مع اقتباس
قديم 18-06-2007, 10:55 PM #6
الرااقي

مشرف عام
افتراضي

يعطيك العافية
رد مع اقتباس
قديم 19-06-2007, 12:29 AM #7
رغوووده

ملكي
افتراضي

الصقر قال تبارك قال ههههههههههه ...


يسلمووو ع المرور ...


اليتيم الله يسعدك ويخليك لعين ترجيك ...


المصدريه هلا وغلا نورتي حبيبتي ...


بنوته حجازيه ...

ياطول لسانك دحين اشبك عشباب طايحه فيهم...


واذا كنتي تبغي الحقيقه صوح صاروا مظاهر ومعد فيه مخابر خخخخخخخخ


عارفه شقلبت ام المثل ...نورتي ياحلوه ...

الراقي يديك الله العافيه ويسلمك من كل شر ...
رد مع اقتباس
قديم 19-06-2007, 04:22 AM #8
اليتيم

ملكي
افتراضي

يا ساتر يا بنوته


إشبك كدا


مو بس كدا و شبكتي معاك رغووده كمان :004:



هادي حرب كيماويه على نطاق واسع يا الله أروح أتطعم :025:
و ألبس الكمامات و راجع خليكو هنا إستنوني





هههههههههههههههههههههههههههههههههههههههه






اقتباس
مشاهدة المشاركة المشاركة الأصلية كتبت بواسطة حجـ بنوتةــازية

بس ما عاد فيه رجال زي اول

الحين شبابنا الله يستر عليهم ما فيه غير السفريات والدشره

واللف في الاسواق والشوارع

تشوفين الكشخه تقولي يا سلام بس لو فتشتي جيبه ما فيه ولا ريال

وما خفي كان اعظم

قال رجال قال ...................؟؟؟؟؟



بنوته



داحينا أبغى أعرف إنتي تبغي رجال :034: و إلا تبغي ريال :013:





هههههههههههههههههههههههههههه
رد مع اقتباس
قديم 19-06-2007, 04:32 AM #9
اليتيم

ملكي
افتراضي

أمين الله

و يسعدك ربك كمان

اقتباس
مشاهدة المشاركة المشاركة الأصلية كتبت بواسطة رغوووده


اليتيم الله يسعدك ويخليك لعين ترجيك ...

بنوته حجازيه ...

ياطول لسانك دحين اشبك عشباب طايحه فيهم...


واذا كنتي تبغي الحقيقه صوح صاروا مظاهر ومعد فيه مخابر خخخخخخخخ


عارفه شقلبت ام المثل ...نورتي ياحلوه ...

الراقي يديك الله العافيه ويسلمك من كل شر ...




لا لا اسم الله عليك يا أم لسان قصير



إنتي ما صدقتي إنه بنوته تتكلم و جيت على طول جري معاك منشارك


أخ منكم و من ظلمكم




لكن ما بدهاش الحرب قد بدأت فاستعدوا لنار الحرب اللي شبيتوها :054:




إزا ما خلتكو تجرو و تقلو يا فكيك




و فكيك ما حيرد عليكو و لا يسأل فيكو :063:
رد مع اقتباس
قديم 19-06-2007, 05:13 AM #10
حجـ بنوتةــازية

مشرف
افتراضي

اقتباس
مشاهدة المشاركة المشاركة الأصلية كتبت بواسطة اليتيم





بنوته



داحينا أبغى أعرف إنتي تبغي رجال :034: و إلا تبغي ريال :013:





هههههههههههههههههههههههههههه




اخوي اليتيم لا تدافع عن الرجال انت اولهم وما يعيب الرجال غير جيبه


يوم تشوفه عايش طفيلي على ابوه ان كان حي او عند امه العجوز يدور الريال والخمسه ريال


ويترزز بالثوب والعمامة والجوال ولو ياخذ بنت الناس تموت جوع عنده ولا تعيش طفيلية مثله

هو عاد فيه رجال :082:

الرجال راح زمانهم

وانت لو ما في جيبك ريال كان ام علي قضبتك الباب ...... مير خلك على شحم ازين لك
:091:
رد مع اقتباس
إضافة رد

مواقع النشر (المفضلة)

الكلمات الدلالية (Tags)
ابــشـــركـــم , انـخـطـبـت

أدوات الموضوع
انواع عرض الموضوع

الانتقال السريع


الساعة الآن 08:21 AM


Powered by vBulletin® Version 3.8.7
Copyright ©2000 - 2017, vBulletin Solutions, Inc.