السلام عليكم وكل عام وانتم بخير بعد الزحمة
اليوم وصلت وطول الوقت انا اتفرج على السوق وهو يدحدر عن طريق التلفزيون وبس
اليوم اول يوم لي وشلت دفعة لزوم المزمزة وتخفيف الخسائر والله يستر
اول مرة اخسر بهذي الطريقة
الدنيا كانها يوم القيامة
عموما السالفة فيها اقتصاديات دول وسالفة اكبر من سوقنا
لكن ربعنا اكيد بيتأثرون مثلهم مثل غيرهم وزيادة عليها وهو الاهم التجميع
وربما سيتبع هذا التراجع تطفيش للي دخلوا وجمعوا مع النزول
اما المتعلقين فلهم الله ومالهم الا مثل ماقلت قبل كذا التجميع باي وسيلة
الوقت الراهن كشف جميع المحافظ
ماهي المحفظة المشنوقة وماهي المحفظة التي لازالت تنازع الموت وماهي المحفظة التي خرجت من ساحة الموت
عن نفسي محفظتي تنازع بفضل الدفعات والنفس والحمدلله لازال طويل وأطول من ماكنت اتصور
كما قلت سابقا انا اتخذت قراري بالتجميع فقط والانتظار وكانها قطعة ارض او مساهمة عقارية
اصبروا ياشباب ولا تستعجلون اللي ماطلع قبل لا يفكر يطلع
حذرت وحذرت وقلت ما ادري بتصير الضربة بس اني ماسمعت كلامي خخخخخ
عموما لزوم الترفيه وفش الخلق طولت الموضوع وهو قصير
والزبدة اجمع ونام بس لايكون التجميع فوضوي يعني لا يجي وقت ويصير ماكو مصاري
وسلامتكم وتصبحون على خير وهونوها وتهون وشي اهون من شي
في ليلة السفر دخل تحت سيارتي كفر بجنطه وهوبه والله ستر وجات سلامات كلها في السيارة
وحمدت ربي على العافية وابيكم نفس الشي تسوونه مع السوق
لا ياثر على نفسياتكم وعلاقاتكم اهم شي
اقول روح نام لا تقعد تتفلسف علينا احنا ناقصينك خخخخخخخ في امان الله
عيدكم مبارك
العرض العادي
