السلام عليكم
التامين استأثر واستحوذ معظم التداولات المضاربية خاصة
صار هو حديث المنتديات
متداولينه كثر استطاع استقطابهم من الاسهم المتوفية دماغيا
والسؤال الذي يبطح نفسه
الى متى ؟
والاجابة اللي لقيتها
مدري متى
بس اللي اعرفه واللي انا متأكد منه انه لايعقل ان لا يكون لها ولي
انتظروا هذه الاسهم النائمة او على الاصح المضغوطة والمتقهقرة
لكن يبقى الاهم ان الجواب سهل لاحقين خير
اذا بدأ النبض سيكون التوجه
اليوم ثمار هل تلحقها شمس غزلان السوق في يوم من الايام
طيب تعالوا نقلبها شوي يمين ويسار
ابدأ بالتامين ابو 8 مليون شوف اسعارها وشوف ثمار وشمس وتهامة الخ الخ
فيه فرق بالاسعار على الاقل في الوقت الراهن
والوقت يلعب لمصلحة ثمار وشمس
بمعنى ان هذين السهمين كمثل طبعا اسهمها 10 مليون كاملة
بينما التامين ابو 8 مليون يعتبر 40 بالمئة من اسهم الشركة
طيب التامين متى بيفكون الستين بالمئة الممنوعة من التداول
اعتقد ان الموضوع مطول
طيب وش استفدنا من هالسالفة
ولا شيء اكيد مافيه شي يمكن فيه شي
من هنا الى رمضان وخلال رمضان اعتقد بتتغير اصول اللعبة وبيتركون اللي جو وبيروحون للي تركوا والله اعلم
مشكلتي اني احتري هاللحظة ومتوقعها في اي وقت
وربعنا مثل ما انتم شايفين ييفزون بابو اربعة مليون مع بعض وابو 8 مليون مع بعض
ويخفسون مع بعض
يعني احنا قاعدين نلعب مع راعي الصالة ومعه كم شريك
طيب منهم
اها
دخلنا في السياسة اقول روح نام احسن لك
ترى التامينات والتقاعد ذراعي الدولة مالهم شغل
مايسوون شي ترى الدولة ماتبيع اسهمها خخخخخ وش مدرينا
وش دعوى ماندري اسالوا وبتعرفون ان ماعندي سالفة
اسال مين طيب
اسالوا ابو الحصين بيقول كل شي وشاهده ذنبه وسلامتكم
اسهم غافلين عنها
العرض العادي
