علب فانتا مليانة مثل لون الذهب

السلام عليكم

بعد ماشفت مؤشري الخاص الخاص بي طبعا

النتيجة رائعة مكاسب جيدة فزت في اللعبة وكسرت روسهم الله يجيب العواقب سليمة

خاصة وانه تمت تعبئة معظم قواطي فانتا برمل لونه مثل لون الذهب
شوي تلطيف للموضوع ما ابي اقول تراب هذا انت قلتها خخخخخ

ساب تكافل خسارته 50 بالمئة يعني السهم الحين يسوى 5 ريال وكثير من الاسهم مثله
علشان كذا قلت القواطي مليانة تراب معقول للحين فيه ناس تشتري ههههه
المشكلة انا اشتريت قوطي التراب 65 ريال
عدلت اليوم في آخر دفعة بعد ما اعطت ريال وربع اكتفيت بالريال راحت 65.75
ورجعت اخذته بنفس السعر الاول 64.75 يعني تعديل فقط مو كامل الكمية

انا خايف ومش خايف جورج وسوف

خايف التعديل يصير على الفاضي واضطر لبيع كامل الكمية في اي لحظة

باختصار السوق صار له كم يوم وهو ينكمش خسائر متتالية وشي متوقع
قلت قبل كذا اللي رفعه بينزله واقصد الاسهم القيادية

والانسحاب تدريجي يعني تجفيف كاش المتداولين

لو كانوا ناوين يرفعون كان صار مثل ماتوقعت ارتفاع يحرم من باع معادن من التعديل في اسهمه

لكن حدث العكس واعطوا المتداولين فرصة للدخول والتعديل وهذا سبب الخوف فقط لاغير

رغم التراجع سهمي متماسك عند 65 والله يستر

ايضا شيء آخر مقلق منامي السوق رجع اليوم اكثر من 120 نقطة
وقفل على حدود الاربعين يعني ماكو شي يمنع حدوث الفرق في تداول بكرة يعني تراجع

طولناها وهي قصيرة اكمل لحسة المخ ارجع واقول

اذا بعنا كالقطيع بيشيلون وبيرفعونه واذا شلنا كالقطيع بيعطونا وينزلونه
هذي خاصة بكل سهم على حده للمعلومية وهذا اختصار القرقرة هذي كلها

بكرة ان شاء الله الاخضر يعمي العين خلينا نغير خخخخ
بكرة ان شاء الله لايمكن استباق الاحداث فالمعطيات متغيرة في كل لحظة

لكن اذا شفت الدعوى فيها إن واخواتها بطلع وفي هذي الحالة فقط يتم استخدام نظام وقف الخسارة حيث لايجدي التعديل نفعا !!! ويمكن اخفف ويمكن اعدل وكل شي بوقته حلو

وارجع اقول ياكثر هرجك يافانتا السهم اظهر دعم قوي عند متوسط 65
وارتفاعه الاخير عند 69 لم يدم طويلا وكانت الكمية المتداولة قليلة يعني ما امداه يصرف والله اعلم
أي شي بسويه بكره يكون على الشات بغض النظر عن الاجراء اللي اسويه صائب او خاطيء

وسلامتكم وتصبحون على خير

اتحدى اذا فيه احد طلع بنتيجة بعد الكلام هذا كله
تناقض في تناقض بس لا احد يلومني هذا حال السوق عندنا منتهى التناقض
وخليكم دائما ستاند باي في سلة الاوامر
عينك على سهمك وبس كل سهم له مؤشره الخاص وخلوا عنكم المؤشر العام

تسلم يا فانتا

جزاك الله خير ورحم الله والديك

تسلم فانتا كأني شفتك على الشات انت وصاحبك تتكلمون على سايكو ؟!!!

يعطيك العافية أخي الكريم

بارك الله فيك

تسلم حبيبي شكلك ترجف وتخوف

يخليكم ربي
ماكو ارجاف ولا تفاؤل بين بين وهذا حال السوق

وكما ذكرت المعطيات متغيرة وليست ثابتة
كلنا نذكر 400 احمر في لحظة قالوا ايقاف وصار اللي صار

واكرر المثل اللي يقول من قام عن قرصه احترق

ليوم لعبت شوط واحد صرفت دفعة امس 66.75
رجعت شريت قبل شوي 65.25 وللحين ثابت على هالسعر
الكلام كله عن آخر دفعة
يعني عندي كم قوطي بصبر عليهم لعل الامر فيه 50 بالمية الى تدبيلة لزوم السفر
خلي العيال ينبسطون بدل ما نهلكهم بالفول والفلافل والحمص بالاردن
نخليها مناسف سلام عليكم والله يعينا على هالسوق
بيخلي الواحد مشدود على طول يعيش التناقض خوف وأمل