السلام عليكم
تهنئة لملاك ساب ومبروك عليكم واغلب اسهم القطاع تقريبا ابداع ماعدا صديق توه جاي من فوق
المهم مضارب ساب تكافل صديقي تراه بريطاني خخخخخ يقول مابعد شفت شي تونا في الفاتحة
قلت له نو بروبلم شرهتك على اللي يسوي اي موف من محله وسلامتكم
بس لا تصدقون امر البيع جاهز في سلة الاوامر بسعر السوق لأني عارف النذالة الف عند ربعنا اكيد الانجليز انتقلت لهم العدوى مرة صديق هندي ومرة بريطاني هذي حال الدنيا
اذا ماطاعك الزمن طعوه انتقلت العدوى القصيمية
المشكلة وشلون اسوي امر البيع وانا مش موجود احسن شي اخلي الجهاز ستاندباي مع الاتصال واوصي الربع يكبون علي موية اذا وصل 64 او 64.25 علشان يمديني اصحصح
او تدرون بسوي العكس بحط امر شراء على 64 والله يكتب اللي فيه الخير
مثل ماقلت على الشات وقف تقليص الارباح عند 64 مش وقف خسارة 
والحمدلله تماسك ولا اروع يبشر بشي في شي وشي مخفي وشي شفته انا وعيني على 68 لكن ماوصلها وهذي رسالة قوية قوية
مضارب رائع ينتظر جني الارباح ولا يعطي فرصة لأحد بتجميع كميات كبيرة
وكميات التداول تعطي اطمئنان لاتجاه السهم والله اعلم والله يستر على الجميع
وسجلوا عندكم اول مرة يمر علي يوم بدون تنفيذ اوامر
المهم انا بنقطع عن السوق كم يوم وان شاء الله خير
سامحونا سوينا زحمة والشارع فاضي صجيناكم كل ما اخذت سهم علمت كل اللي بالسعودية
برسل برقية للديوان الملكي اعلمهم إني في ساب تكافل وانه سهم خسران لين قال بس
يمكن قصدي اثبت لهم ان سوقنا سوق ترللي وسلموا لي على النظام
والكرت اللي تكسب به العب به وتصبحون على خير
الموضوع ماله داعي بس لزوم المزمزة مافيه احسن من مواضيع السوالف
احسن من دعم ومقاومة وترنج مدري ترند ومؤشر قواطي فانتا اصرف احمر اخضر برتقالي
مع احترامي لكل المؤشرات حتى مؤشر التضخم
قبل الختام انا سمعت فيه ناس متعلقة في السهم الفلاني او غيره
بس جارنا اليوم سولفت معه لقيته متعلق بالبيت خخخخخ وقف العمار علشان الحديد
مبروك ولسة
العرض العادي
