هالمرة اكيد الكثير تعور الدم للركب

السلام عليكم ورحمة الله وبركاته

وش السالفة اليوم
قمت من النوم قبل صلاة العصر ماصدقت الشريط
كنت حاط اوامر شراء 84 80 وكلها تنفذت ماباقي معي الا ربع السيولة والله يستر
انتظر بكرة اشوف آخرتها الربع الاخير مستحيل ادخل فيه الا بعد مايركد الرمي

بصراحة فكرت فيه انقلاب على الحكم قولوا ........

يلعن يوم التعليقة خخخخخ

ارجع للمهم
طبعا راعي الكاش والدفعات هو اللي سالم او خلونا نقول اقل تأثر باللي صار

من الملاحظ ان الدعوم ستكون مقاومة في القريب
ولايمكن الخروج من المأزق الا بدفعات للتعديل

كان متوقع ان الهوامير بيسوونها والسبب مافيه شراء من المتداولين ولا فيه بيع
الكل متمسك بالسهم ينتظر ارباح

ومالهم الا هالطريقة من باب اللي مايرضى بالحمى يرضى بالنفاضة

اطمنكم الوضع طبيعي مية بالمية انطلاقا من الاسعار السابقة

الاهم اتمنى عدم التفريط بالاسهم فهذا هو المقصود من اللي حدث وهو متوقع كما ذكرت
وقلت ان الاسهم اللي رفعت المؤشر نفسها هي اللي بتنزله وارتدادها يغث يطول بسبب اسهمها الكثيرة علشان كذا الخروج منها افضل وعليكم بالاسهم القليلة
يعني الخسارة موجودة موجودة للي داخل بكامل السيولة

بمعنى آخر انت في الهندية مثلا 90 وقدامك ساب تكافل او الاهلي تكافل كسر قاعه
الافضل التبديل بدلا من انتظار ارتفاع السعر مرة اخرى
القصيم الزراعية 12 وشوي عشنا وشفنا وياما راح نشوف

السوق باختصار مثل الكورة يوم ترميها من بلكونه او من مكان مرتفع تقعد تنطط قدامك
نطة نطة وكل نطة اقل ارتفاع من اللي قبلها

عموما عظم الله اجركم جميعا في وفاة المرحوم السوق والسعودي

اللي بسويه عن نفسي بيع ماكو بيع لو اقعد سنة او سنتين مادام راسي يشم الهواء

سبق وذكرت متوقع التراجع في السهم بمعدل 10 بالمئة من القاع السابق يعني 85 - 8 = 77

وهي آخر دفعة راح ادخلها في السهم احتمال اخليها اقل من 77 حسب التوجه العام غدا وتبقى السيولة الاحتياطية فقط وهي خاصة بالاكتتابات الخ

وبكرة ان شاء الله ما اتعودها ماراح انام الا يانايم
إلا قل وش بينومني الليلة خخخخخ شر البلية مايضحك وسلامتكم

تعميق السوق ادراج كميات كبيرة من الاسهم بحيث لايكون هناك اسعار عالية للاسهم
ونحن نعلم ان الاسعار العالية سببها سيولة كبيرة واسهم قليلة
يعني احتمال ويمكن اكيد راح تشوفون اسعار في السوق ماراح تصدقونها

وحسب اعتقادي ان الشركات التي اسهمها قليلة ستكون الاقل تأثر وتصبحون على خير

على فكرة ما قدرت ادخل المنتدى الا قبل شوي
كنت ماسح ملفات الارتباط وتورطت بالرقم السري

خخخخخخخخخخخخخخخخخخ

ما تترك عنك ها السوالف بارك الله فيك يا غالي

غصب الدم للركب والخسائر ما لها حد والسبب

في ظل اختفاء الشفافية ووجود اشخاص يتخذون قرارات ارتجالية

والقائم على السوق غير مؤهل لذلك

وينك غايب لك يومين حياك الله ،،، اظن الكل تعور والدم للركب يا غالي

يعطيك العافية ...

خخخخخخخخخخخ


وين اختفيت يا فليحان

خخخخخخخخخخخخ

ذكرتني بالبدو من اول


حياك الله ياغالي حنا مع الافتتاح يوم شفنا العلوم فيه نية غدر

انهزمنا يابعد حيي وكيشنا المحافظ ،، ما راح من الحلال الا راس ولا راسين بس


وتسلمي يالحبيب

ابو مصطفى
الامبراطور
السليمان
بنوته حجازية
ابو مشاري
يخليكم ربي شاكر لكم التوقيع بعد التصفح وفالكم طيب