نكد على الحضرمي وعلقني

السلام عليكم
المؤشر قفل السوق على تعليقة 93 الاهلي تكافل حسبي الله عليه هو وعيونه
اشوى انها دفعة بسيطة
كنت معطيه 95.25 ورجعت شلت 93 وفي الاخير قفل 91.5

السوق الدم للركب اليوم بس بصراحة عادتي ما اطالع المؤشر وباقي الشركات
عيني على سهمي وبس
كان فيه دعم 88 89 انطلق منه السهم وشلت منه 89.75 وصرفته مثل ماقلت دفعات حليوة اقل من المية تكون الكمية اكبر

المهم اتمنى يكون مافيه احد تعور واجد والتعويرة لا بد منها مثل ماقال احد الاخوان الله يذكره بالخير

عموما لمتابعي قواطي فانتا الفاضية
السهم معروف قاعة ............ ترى هذي سبة خخخخخخ

السبت بشيل على طول بعد ما اتأكد من الاتجاه ولو ان مافيه شي اسمه اتأكد يعني اقول الارجح

حطيت الامر 91 نويت الحقة بس ما اعطاني ايضا دفعة بسيطة

ان شاء الله خيره
السوق مثل ماقلت فقط مضاربة لمن يجيد المضاربة اللحظية السريعة

يعني المضارب الكبير يجمع له اربعين الف سهم بسعر متدني ويرفع بدخول قوي متلاحق بخمسة الاف سهم تقريبا وتاثيرها يكون محدود على متوسط السعر ويرص الاوامر (الطلبات مايشيلها) وبعدها
اجي انا وغيري نقول السهم بيرتفع وندخل في وقت يكون هو يصرف بالتدريج وسلامتكم

اتمنى من كل قلبي ان ما احد يتأثر من اللي صار ولو انه صعب بس على الاقل مايكون تاثيره على الاهل والاقارب والعلاقات والاخلاق

واللي مايخسر مايربح اللي برا السوق ممنوع الدخول لمجرد الدخول

بالمناسبة المضاربة بالنسبة لي ليست بمبالغ كبيرة مجموعها لا يتجاوز باي حال من الاحوال 15 بالمية من السيولة والسبب لانها مضاربة لحظية تحتمل الخسارة باي لحظة والجد بيصير عند القاع

الافضل البقاء خارجا لكن انا ملقوف واثبتت الايام اني مدمن
قبل ما اختم السهم ابدى تماسك مقارنة ببعض الشركات وبالمؤشر العام ايضا

صديقنا ابو هنود الله يرزق ملاكه وباقي اصدقائنا الله يعوض عليهم وهذا حال السوق
اخيرا
دخولي الايام القادمة بيصير مثل المسمار يعني ماكو طلعة وقف خسائر حرق اسهم ممنوع عندي
وبعمل حسابي الى 80 دفعات مثل ما تعودت والله ولي التوفيق تصبحون على خير

موفق يالغالي وشكل المضاربه معك شيقة مثل سوالفك
الف شكر

يخليك ربي ابو عادل
كلك ذوق

شاكر لك المداخلة

شكلها كذا مافيه الا انا ومضارب السهم نبيع ونشتري على بعض
اضارب وكأنه قدامي يطالعني خخخخخ

في المضاربة ما اصف سرا لا في بيع ولا في شرا
مسوي روحي مثلهم احط اوامر بيع يعني اني اضغط علشان اشتري
اليوم حصلت معي حطيت حوالي 340 سهم بيع 91.75 وصف وراي 1500 سهم
بعد مانفذوا لي شوي منه ونزل السهم وشريته 91.25 واول مانفذ شراء شلت الباقي من امر البيع وشاله وراي على طول سوالف على كيف كيفك تفك الخرمة والله يستر من تاليتها

الله يعافيك العدناني شاكر لك توقيع الحضور

بارك الله فيك

وفيك يالغالي شاكر لك

يافانتا الله يهديك ان شايف المؤشر نازل مثل الصاروخ وتغامر وتدخل يا خوي خسرنا الين دخنا

ياخوان ابعدوا عن التأمين بغض النظر عن حرمته إلا انه متضخم لا نريد ضحايا جدد يكفي ماخذوه منا في السابق

الله يعوض عليكم خسايركم ويوفقكم دنيا وآخره

الله يهديك يافانتا تغامر مع النزول وتحب التأمين الله يتوب عليك منه

مشكور ماقصرت يابوعادل
انا ماني طماعه رضيت بنصيبي
انا سمعت الساير في سهم مكه
بشرط ان المؤشر ماينزل الى 9200
وفعلا قبل يومين كان فوق المؤشر السهم وصل 40.25
بس يوم شفت المؤشر قرب ل 9200
وقرب ينزل قلت وش انتظر
وبعت بنفس السعر اللي شريته 39
يعني الحمدلله الضربه ماجات قويه
بس ننتظر السبت ونقل خير ان شاء الله

كلامك صح ابو مشهور الشغل انا قلت مضاربة لحظية
يعني رغم التعليقة ام ريال ونصف لاحظ الامر اللي قبله في كم ريال محرزين
اضافة الى مجموعة اوامر صفحتين الله وكيلك

ولازلت اقول السوق مضاربة ولحظية واقول ارتداد بعد لكن ارتداد للمضاربين والله اعلم
لأن الشركات اللي رفعت السوق بترجع تنزل السوق شاكر لك الحضور والمداخلة الله يخليك