البارحه مادريت ايش صار ،، وش فيني
البارحه مت ،، ولكن ربي احياني
البارحه غاب طيفك لحظه عن عيني
وحسيت في وقتها الموت الحمر جاني
اضحك ،، اعرفك ،، غرامك بس تشقيني
ما همك الا جديد الشعر واحزاني
هي اخرتها معاك ادري بتنهيني
لو ما بليتك بهمي ،، راح تبلاني
في كل ليله ماتدري وينك او ويني
وياك اولي واهيم بعالم ثاني
المشكله ،، ما احسك في شراييني
المشكله ،، انت ،، الا انت شرياني
ابنجرح من يديك ،، ولا تداويني
عساك طول العمر جرح بوجدان
كل الدروب الحزينه لك توديني
مسكين يا هالفرح طاف وتعداني
ادري ((فـ)) بيتين تكتبني وتمحيني
شاعر مزاجي ،، غريب اطوار ،، قوماني
اقرا قصيدك لنفسك ،، طالع بعيني
ما ابيك تقرا القصيد ابيك تقراني
شعر : علي مساعد
تحياتي
كل الدروب الحزينه لك توديني
العرض العادي
