عندي كشف منذ مبطي شوي قريته وقلت بحطه ببرواز

صدق 49.75
اميانتيت 44.5
الباحة 69
كهرباء 25.75 خخخخ تدبيلة كهرب
تعمير 52 الله المستعان
قصيم 61.25 خخخخ
فنادق 62.5
بحري 52.5
سيارات 62.75 خخخخخخخخخخخخ
جازان 64.25 تدبيلتين
مبرد 78

واسمحوا لي بريح عن التداول والمنتديات لين اشوف وش سالفة الانماء والسبب الاهم اني مشغول بتجهيز منزل جديد عقبال للجميع
وبحتفظ بصديق ولو انه فلفل احمر الحين بس قريب ان شاء الله بيصير فلفل اخضر حراق

المهم لا اوصيكم دفعات دفعات ومن عرفتها قصدي من طبقتها للحين الحمدلله بدون خسائر
لان فيه ناس تعرف اشياء كثيرة عن التداول ومباديء التداول لكن عند التداول الفعلي لايطبق مايعرف
وماراح يفككم من الهوامير الا هي بعد الله بس لاحظوا معي مش معناها دفعات يعني خلاص سويت كنترول للسهم لا لا ارجو الانتباه
الدفعات ليست ذات جدوى اذا كان توقيت الدخول خاطيء
يعني اوضح اكثر بمثل
لو تلقفت واخذت سابك بالقمة او حتى تحت القمة شوي 220 ماراح تنفع الدفعات الا اذا كانت عشرطعش دفعة والعشر طعش غير مجدية اذا كان نزول عمودي بدون ارتدادات
لكن لو اخذت سهم حول القاع او كسر القاع المهم يكون طايح حظه
في الحالة هذي يقدر كل واحد يقول مبروك لنفسه مقدما
واعتذر سلفا اذا احد تضايق من وجودي او سويت زحمة او قرقر كثير صديق
وانا ما اكتب في غير هالمحل ولا استخدم معرفات اخرى في هالمنتدى او غيره
ودائما احب اعرف بنفسي وعلى المكشوف واغلب الاعضاء الاوائل يعرفوني ماعندي شي اخبيه
اسوي دعاية لروحي

والسبب مش علشان انا خطير او زعيط او شايف نفسي فاهم خخخخخ
السبب كلهم اتهاوش معهم (ابوشرين) لاني اشوف مواضيع كثيرة تنكتب في المنتديات وواضحة مرة كانها شراك يعني ناس شغلتها تحبل لناس لا يصيدونكم حسبي الله عليهم وعلى كل من يكتب كلام يقصد فيه ضرر للآخرين
يعني فيه ناس تخصصهم اغواء وكذب ونصب سواء كان تطبيل او ارجاف

كلمة اخيرة
اذا شفت روحك مقرود وكل ماتسوي شي تخسر انصح نصيحة بس لا احد يضحك
النصيحة ( تعود اذا جيت تسوي امر بناء على توقع اعكس الامر )
يعني اذا شغلك يعطي غالبا نتائج عكسية اعكس شغلك خخخخخ والله يستر على الجميع
سلام للجميع وعلى الجميع الصغير قبل الكبير
ماراح اقطع بالمرة كل ما اشتري سهم بجي اطبل له خخخخخ

رايتك بيضاء فانتا وانت من الروح وفيها ويشهد لك كل اللي بالمنتدى والله يوسع عليك ويزيدك من علمه

بارك الله فيك

يعطيك العافية

بالتوفيق لكن لا تقطعنا يالغالي

موفق ان شاء الله ومبروك على البيت الجديد وعساه قدم السعد عليكم

يخليكم ربي شاكر لكم اريحية الردود
ودربكم اخضر وحتى لو المؤشر احمر ومبروك مقدما وسلامتكم

جيت للقصيم اول يوم جبت معي غبار وثاني يوم مطر وخير والحمدلله على كل حال وفي كل حين