يارب انه يطيح من على الدرج (السلم)

محمد · 18-04-2008, 10:51 AM

السلام عليكم ورحمة الله وبركاته

في يوم من الايام كنت راقد بغرفتي وفي احسن حال والا اقوم على زقزقه سيارات البلديه واالشاص ابو نص هنقلين ماره في حارتنا اكيد تعرفون صوتها الشجي ......

المهم طار النوم من عيني وجلست ساعه لين لقيته متوزي ورى الستاره رقت شوي (نمت)والا اقوم مرتن ثانيه على صوت امي (( مقدر اقول عنها زقزقه ))

امي : يافرقز (( تدلعني امي )) الناس بيصلون الظهر وانت لي ذلحين منجعر (منسدح)
فرقز : اي ظهر يامه عاد الساعة 7.30 .
امي : الله 7.30 وانا احسبها 6 يالله قطع عرشاك .

وفي لحظه خاطفه دخلت امي يدها في ثوبها وطلعت منها خرقه سوداء مدري امي كم عقده عاقدتها بس ان كاني ماني بغاوي هي عاقدتها 30 عقده ....

فكتها وطلعت منها ثلاثت اريل ( 3 ريال ) وقالت لي ....
امي : انقز جب خبز تميس ورقى ( يعني اي شي ناكلة بالتميس )
فرقز : يامه انا امس جايب الخبز روحي قومي المنجعر الثاني يجيبه اليوم دوره
امي : اقول انطم بس وقم ولاعمري اشوفك تراددني وبعدين اخيك محمد قال لي خليه ياخذ سيكلي يروح يجيب علية خبز ............

انا في لحظه ذهول ( ذهول = كني واحد مصفوق )
لاني دايم اهوجس واتمنى اني اسوق سيكله لانه احسن سيكل في نجران .. مزبرقه باحلى الشطرطونات وحاط له نسافه تسحب بالارض وملزق على النسافه لزقه موووت حلوه مره مكتوبه بالقلينزي مكتوب فيها (( I AM GOOD )) الصراحه هي اللي محليه السيكل ....

مره سالت اخي محمد وقلت له
فرقز : وش معنى اللي انت ملزقها على السيكل
محمد : مدري بس عشان عيال الحاره يدرون اني اعرف عنقليزي ؟

قمت انا ورحت قومت صالح علشان يفتح لي باب الحوي عشان اطلع السيكل

انطلقت فيه وسط ربوع الحاره ومريت من عند بيت الهنود هم الحقيقه مهوب هنود هم بنغاليين بس عاد كل ذيك الطقه يقالهم هنود .....

المهم وانا امشي قلت ليش ما امر من عند بيت ابو محماس والله ياعندهم علب فية دوووم يحبه قلبك اكل منه كم دومة واروح .......

والله ولقيت في طريقي واحد اسمة سامر (( هذا صراحه انا ما ادانيه سوري وقاهرني عشانه يعرف عنقليزي ورايح لامريكا يتكبر علينا واللي يقهرني زياده كل ما مر اخي من عنده بالسيكل قعد يضحك مدري ليش ))

سامر : شو هالمره انت اللي عم تسوء البسكليته ...
المفرقز : ياخبل انا الى متى اعلم فيك اسمه سيكل ...

سامر : طيب وين رايح انت هلأ ...؟؟؟....
المفرقز : ابروح بيت ابو محماس اباكل دوم من علبهم......
سامر : ايوه الله يوفأ تنسفأ (( الله يوفق حتى نصفق اعرف سوري ))
المفرقز : ايه هذا اللي انت فالح فيه الامثال يابو علوص ..........

كرهني بالعبري وخلاني اختصر المشوار ورحت للمخبز
بس اني لقيت الدور زحمه مره ؟ وش السواه اوقف معهم ؟؟؟؟؟
وان جاء احد وشلح السيكل من بيفكني من دعس محمد ؟؟؟ (( اسئله تتلاحق في راسي ))
دخلت المخبز وجدعت على عبدالقدوس ((اسم الخباز )) وقلت له ثلاث خبز يابابو (( نماريه بابو بس ليش مدري ))
وطلعت وامر البقاله قلت خلني اشلح منها كم صوره سن توب (( دايم اجمعها والزقها على دولابي عشان اذا خلصت الدفتر حقه اكسب وحدة من جوايزهم ))

وادخل واسال السوداني
المفرقز : عندك فليت كوكا كولا (( دايم اساله نفس السؤال ))
السوداني : والله ماعارف داير تشوف عند الحفايظ (( دايم يجاوب نفس الجواب ))

انا رحت وانصد (( اروح بسرعه )) الحفايظ وانا من هناك بزاويه قدرها 30 درجه انحرف لجهه الثلاجه ((طلع فلم هندي ))

واخذ منها الصور والزقها على فنيلتي واسكر عليها الثوب وماحد بداري
وانا طالع من البقاله وقفني السوداني وقال لي
السوداني : اقيف اقيف ......
المفرقز : (فرقزززززز) هاه نعم (( وقد طاح قلبي بصندوق العلوك اللي جنبه ))
السوداني : ايش اسمه اللي تدور عليه
المفرقز : فليت بيبسي
السوداني : اااااه انا افتكرتك تدور على فليت كوكا كولا قلت اجيب منه من الجمله
المفرقز : طيب مع السلامه (( وانا ماصدقت اني سلمت منة ))

الصراحه دايم ذا السوداني يحسسني انه اطلق دلخ على وجه الارض

وارجع للمخبز واخذ الخبز واركب السيكل واروح للبيت

وانا في الطريق لقيت اعز اخوياي اسمه فهد ودار بيننا هذا الحوار الهادف اللي فيه خير لامتنا ... قصدي قعدنا نسولف مع بعض
المفرقز : هلا فهد يالله حيه
فهد : هلا بك .... هااه اشوف معك تميس
المفرقز : اقول خذ ذي القطعه القمها وخلنا نسولف
فهد : (( عطني ))
المفرقز : بالعافيه .. الا اقول لك مادريت يقولون ان محماس امس قشط خذافت العيال
فهد : قل والله
المفرقز : والله
فهد : احبك ياماجد عبدالله
المفرقز : هههههههههههههههههههه والله انك خبل
فهد : ههههههههههههه ياحبي لك انت وذا التميس
المفرقز : ادع لامي ترى بدراهمها
فهد : الله يوفقها يارب
فهد : الا متى انسرقت الخذافات
المفرقز : امس العصر
فهد : اييه امس العصر كنت ببيت جدي نلعب كوره بالشارع نلعب على الماصوره
المفرقز : ايه امس العصر انا واخوي رحنا لحاره التجار نباري عيالهم بلعبه( سهيت اسمهههههها ) ((مكوناتها / قوطي بيبسي / حيد ( مرصع ) مثل فاره الكمبيوتر )) وهزئناهم
فهد : يالله يافرقز انا ابنقز اجيب لاهلي تميس نسوان الجيران بيتجمعون عند امي
المفرقز : يالله حتى انا تأخرت على امي

وكل واحد مشى بطريقه
وانا رحت للبيت والا القى مصيبه

مابقى معي الا خبزه وحده ومامعي الا نص ريال ابشتري به علك ابو عسل ويش السوااااااااه

وادخل وادور على امي وادورفي البيت مالقيتها

سالت اختي
المفرقز : وين امي
اختي : زهمت عليها ام فهد قطيرتنا وقالت لها تعالي افطري عندنا
المفرقز : وبعدين
اختي : امي نقزت وخذت عباتها وسالتها وقالت لي ان اليوم بيجتمعون عند ام فهد النسوان وان فيه كراث وحب وسواليف ( قالش قالش ) نسوانية
= يناقشون القضيه الفلسطينيه والعراقيه .... والارهاب ..

وانا اللي اتنهت تنهيته ااااااااااااااااااهه واطمر لغرفتي علشان ارقد وانسدح ويوم اني غفيت

طمر علي محمد ..... قلت في نفسي ذلحين جاء ابو شرين بيلفعني
قالي محمد : متى جيت
المفرقز : ذا الساع
محمد : وين رحت
المفرقز : للمخبز
محمد : ويش عندك بالمخبز
المفرقز : ابد طال عمرك رحت ادور السباااك واحد رايح للمخبز وش عنده اكيد بيشتري خبز
محمد : اها ووين الخبز
المفرقز : ((فرقز والخوف بدى يدب فيه)) عند باب الثلاجة الله يخليك
محمد : طيب ابتركك في حفظ الله ورعياته
المفرقز : الله لايحرمنا من طلاتك البهيه

وانا اقول في نفسي اي بهيه الا يارب جعلة يطيح من على الدرجة

وكلها لحظات واسمع صوت اااه اااااح ااااييييييي قاق قاق قاق قاق قاق قاق قاق قاق قاق قاق قاق قاق

واروح اشوف

الا ومحمد طايح في الدجاج خبط عينه داخل المطبخ على راس الديك ابو كلبشة وكلو الباقي من التميس .

وانا غيرانسدحت اضحك كاع كاع كاع ههاهاهاهاهاهاهاهاهاهاههعاههاه

وسلامتكم

الـــ غ ـــلا · 19-04-2008, 08:08 AM

ههههههههههههههههههههههههه

<< معن في كلمات مافهمتها بس حلوووووووووووه

يسعدك ربي يالمرور ^_^

آحسآس ملكة · 20-04-2008, 08:55 PM

هههههههههههههههههههههآآآي

بصراحه هذي لهجه جديده عت القصه عشر مرات و بالقوة فهمت << من الذكاء

يسلمووو يالغلا على هذي القصه

كل الود

البنـــدرية · 21-04-2008, 02:47 PM

هههههههههههههههههههه

<< تبيك تترجم لهاااا القصه ههههههه

يسلموووو يالمرور

محمد · 24-04-2008, 08:13 AM

اقتباس:

ههههههههههههههههههههههههه

<< معن في كلمات مافهمتها بس حلوووووووووووه

يسعدك ربي يالمرور ^_^

دوووووووووووم الضحكة اختي الغلا مو يوووم

كان اقتبستي هالكلمات عشان اترجمها لك ^^

اسعدني مروك لمتصفحي المتواضع وتعليقك الرائع

دمتي..

رائعة..

محمد · 24-04-2008, 08:16 AM

اقتباس:

هههههههههههههههههههههآآآي

بصراحه هذي لهجه جديده عت القصه عشر مرات و بالقوة فهمت << من الذكاء

يسلمووو يالغلا على هذي القصه

كل الود

دوووووووووووووووووووم هالضحكة اختي احساس ملكة مو يوم

اسعدني مرورك وتعليقك وقرائتك القصة اكثر من مرة ^^

زين افهمتيها بالذكاء ^^كذا كيف لو فهمتيها بالطبيعة^^

اكيد بتحرقين الصفحة بالضحك <<لاتكثر خخخخخخخخخخ

دمتي..

متألقة..

محمد · 24-04-2008, 08:19 AM

اقتباس:

هههههههههههههههههههه

<< تبيك تترجم لهاااا القصه ههههههه

يسلموووو يالمرور

الــــبندرية

دووووووووووووم يارب البسمة موو يوم

خخخخخخخخخخخخخخخخخخخخخخخخخخ

المشكلة ودك انهم اقتبسوا الكلمات الغير

مفهومة كان ترجمت ^^ صدقيني مفهومة

بالوجه العام <<لاتكثر اللهجة صينية هههههه

دمتي ..

غالية..

يارب انه يطيح من على الدرج (السلم)

المصدر للترفيه والتسلية