الله يجازي من يسوي سواتك
وبذنوب من سوا سواتك يجازيك

مشيت درب الثقل وحبيت ذاتك
ما تدري انه للمهالك يوديك

وغرّك جمالك يا خسارة حلاتك
ما تدري ان ما غير طبعك يحليك

وتقول زينك يشفع لسيئاتك ... ؟؟
الحسن ماهو عن وفا الحب يعفيك

لو التواضع والوافا من سماتك
بعت الحبايب كلهم دين واشريك

لكن عجزت اغيرك يا جراتك
على الغياب اللي بلا عذر ينجيك

خطاي في توضيح وشهي غلاتك
وخطاك في توضيح وش هو تغليك

وشلون توصيني وتنسى وصاتك
وتصد عن صوتٍ تقطّع يناديك

ما فاتك التجريح والعذر فاتك
وتبغي رضاي الحين ما عاد يمديك

صحيح احبك بس هذي جزاتك
بعلمك درسٍ يفيدك ويحييك

تدري وش ابيض من خفوقك عباتك
وتدري وش اللي غرني نظرتي فيك

ادري بتستغرب تصّبر وجاتك
قصيدةٍ من واحدٍ كان يبغيك

تبغي تناظر وانت عايش مماتك
شف وحدتك والناس تجلس حواليك

وتبغي تشوف اشجع رجل في حياتك
شفني وانا مقفي على كثر ما أغليك

للشــــــــاعر / محمد ابن فطيـــس المري ,,,

ياعيني عليك يالمرور..
حجز ملكي بمنقولكـ..


انت ذووووووووووق وفناااااااااااااان..
هالقصيده احس كل من قراها او سمعها تمنى انها له..


بيض الله وجهك على نقلها..

وصح لسان المري مدد بلا عدد..


تقبل في مروري أرق وأعذب التحايا العطره..

قصيده رائعه ونقل احساس رائع اختيار موفق

يسلمو على النقل اخوي

قصيده رائعه ..

يسلموو يالمرور ع النقل ..

تدري وش ابيض من خفوقك عباتك
وتدري وش اللي غرني نظرتي فيك



يعطيك ربي الف عافيه على النقل المميز كلام ولا اجمل من كذا ...........