السلام عليكم ايها المصدريون

شفنا السوق اليوم ومثل كل يوم بطلع اللي عندي والباقي على الله
السوق امس لطش 100 نقطة وبدل ماتتكحل اليوم اعموه 300 نقطة

وانا لازلت عند رايي اي تراجع شيل يا خشاش بس وغيره ممنوع

طيب انا امس صرفت الصقر 44.25 وقلت اليوم ابصبر مع الافتتاح
اول شي سويته شلت تهامة 34.5 واعطيته 34.75 ربع ريال تعديل
بعدها شفت الصقر متراجع وسويت روحي قناص وشلت 43.25
والاخ مبسوط على القنصة مادريت الا وهو مدحدر وأخذت دفعة ثانية 42.5
وعليها ولا حركة لين قفل السوق
المهم واللي يهم الجميع خلوا عنكم فانتا ومحفظته
شفنا كيف مع تراجع امس واليوم الا انه كان فيه دعوم قوية مثل ماقلت قبل كذا
تهامة وهو السهم اللي اخترته ولا كأن السوق طايح 300 نقطة رهيب
هذا دليل ان هذي مناطق تجميع وماسمح المضارب لاحد ينافس عليه والله اعلم

انا عارف آخر هالفلسفة تعليقة خخخخخ بس ان شاء الله نو وي ماكو تعليقة
بقعد للصقر بكرة وماراح ادخل باي زيادة دفعات الا اذا تراجع 5 بالمية وبعدها عشرة بالمية
ماهو وقت مضاربة ربع ونصف الوضع حساس جدا ولو رجع نسبة يعني بيوصل للأدنى تقريبا
واعتبرها منطقة أمان علشان كذا ومن بدري قلت الخشاش الخشاش لأن مافيه مجال تراجع كثير ان شاء الله يعني ماهو مرتفع مثل الاسهم اللي انتم خابرينها ومافيه داعي اذكرها
لازال معي نصف السيولة وان تراجع بكرة بعطيهم ربع السيولة وبدخل فيها دفعتين مثل ماقلت

اختصار اي تراجع شيل + اسهم مرتفعة انحش عنها + سيولة على طول للطواريء
وسلامتكم وعينك على سهمك وانت تقدر تعرف اذا هو في مناطق خطر او لا
تصبحون على خير تكفون لا احد يبيع بخسارة اذا دعم سهمه قوي

بكرة ماراح نفتح الدكان بدري زي العادة
بحط اوامر الليلة مثل ماقلت على خمسة وعشرة بالمية تراجع وبصك الشاشة تعودت عليهم كل دورة سعرية واروح اشوف حالي عندي موعد اسنان ببردهم ان شاء الله لزوم النهش في الايام الجاية
لو كان سهمي من الاسهم المرتفعة تاريخيا كان سويت وقف خسارة من بدري

ياسلااااام عليك ذيب ما شاء الله بس احرص من هوامير الغفلة ترى مالهم امان

بارك الله فيك

الله يوفقك ويبارك لك في مالك

وكلها على الله ومايصير الا الله كاتبه سواء بعنا ولا مسكنا والله يوفق الجميع

ثابك الله على ماكتبت ورزقك رزقا حلالا

الله يعطيك الصحة والعافية

ان شاء الله غدا ارتداد حلوووو

يعطيك العافية

يعطيك العافية تحليلك رائع بس سوق ان لم تكن ذئبا اكلتك الذئاب ^^

يخليكم ربي ويوفقكم ويرزقكم من حيث تحتسبون ومن حيث لا تحتسبون

انا تارك السوق مثل ماقلت بس بعض الساعات اتلقف وسوي تعديلات وبعض الساعات اغير الشركات
اللي يعطيني ربح آخذه بدون تردد واشوف واحد طايح حضه واشيل

كل مرة اقول ماني بايع بس مافيه فايده ابو طبيع ما يخلي طبعه
والسوق اللي يفرض اسلوبه علي مهوب انا اللي افرض عليه
عندكم فيبكو واسيج صار له فترة راكد سعره يا اما انه يجمع او انه يصرف
وهذا اللي يخليني اقول دفعات وتكون متباعدة

على فكرة الاسعار الحالية للخشاش قريبة من مستوى مؤشركومبني 8000 واول مرة انا اشوف الوضع هذا
علشان كذا خليكم حريصين وجاهزين بالمرهم اذا صار فيه جروح
وسلامتكم وعن أذنكم بغيب فترة اجازة اضطرارية قدمتها للتويجري