بسم الله الرحمن الرحيم والصلاة والسلام على أشرف الانبياء والمرسلين سيدنا محمد وعلى آله وصحبه وسلم اخواني وأخواتيي أقدم لكم قصة واقعية حدثت في إحدى الدول العربية
كانت مزحة وسارت لدحة " يعني جد "
حوار لطيف بين زوج مع زوجته
هو: حبيبتي أنا حأطلب بيتزا ، عايزة حاجة ؟
هي: لا يا حبيبي
هو : اوكي
هي: ولا اقولك ..؟
هو: ها ، أطلب لك كمان ؟
هي: مش عارفة
هو: مش عارفة اذا كنتي عايزة ؟
هي: لا
هو: انتي جعانة ؟
هي: يعني
هو : يعني إيه يعني...؟
هي: يعني مش متأكدة اذا كنت جعانة ولا لأ.
هو: الواحد لما بيكون جعان بيعرف
هي: لأ بس يمكن اجوع بعدين
هو: يعني اطلب لك بيتزا؟
هي: طيب واذا ما كنتش جعانة وقتها..؟
هو: ما تاكليش
هي : بس ده كدة يبقى تبذير
هو: خلاص ، تبقي تاكليها بكرة
هي: و اذا ما كانش لي نفس آكل بيتزا بكرة؟
هو: مش محتاجة نفس ، الواحد عادي ممكن ياكل بيتزا كل يوم
هي: انا لا .. أنا مش باكل بيتزا الا لما يكون عندي نفس للبيتزا
هو: طيب بلاش ، أطلب لك حاجة تانية؟
هي: بس أنا مش عايزة حاجة تانية
هو: يعني عايزة بيتزا؟
هي : لا
هو: يعني مش عايزة حاجة؟
هي: لأ برضه
هو : جننتيني ، طب أعمل إيه؟
هي: اطلب انت لنفسك
هو: الحمد لله ، اخيرا .. ماشي ..
هي : بس اطلب بيتزا بالتونة
هو: نعم ؟ انا مش بحب البيتزا التونة
هي: بس انا بحبها
هو: وانتي مالك ؟ هو انا حاطلب ليا ولا ليكي
هي: ليك طبعا
هو: طيب أطلبها ليه بأة بالتونة...؟
هي: يمكن اجوع لما يوصل الاكل
هو : وبعدين؟
هي: يا سلام ، يعني تفتكر آكل حاجة مش عاجباني؟
هو: ليه هو انتي – أصلاً - عايزة تاكلي؟
هي : ليه لأ ؟
هو: يا مثبت العقل .. هو أنا حاطلب بيتزا لي , عشان احتمال انتي تاكليها اذا
كنتي جعانة؟؟
هي: بالضبط
هو: وأنا بلاش آكل؟
هي: يمكن وقتها أكون مش جعانة
هو : طيب حطلب البيتزا عشاني وبالتونة عشانك خلاص ؟
هي: طيب!..
وعلى هدا الحال ؟؟؟؟
ولما طلب ووصلت البيتزا دار شجار جامد بينهما ادى إلى قتل الزوجة بسكين البيتزا
حادث عرضي " يعني من غير قصد ".
ملاحظة
محكمة الجنايات قررت تبرئة الزوج من تهمة
"قتل الزوجة مع سبق الإصرار والترصد"
وتحويل التهمة إلى ..
"قتل الزوجة دفاعاً عن النفس"
عيني يا حريم كبروا مخكم شوي حرام عيكم إلي تسوا في رجالكم
وبلاش تكونوا زي اللقمة في الزور " في الحلق " قولوا إلي في نفسكم وبلاش مشاكل
الزوج قتل زوجته عشان بيتزا
