كيفية تنظيف الجهاز باكمله !
تويتر المصدر فيسبوك المصدر



العودة   المصدر السعودي > منتدى الكمبيوتر والأنترنت > شروحات وحلول مشاكل الكمبيوتر والانترنت




المواضيع الجديدة في شروحات وحلول مشاكل الكمبيوتر والانترنت


إضافة رد
 
أدوات الموضوع انواع عرض الموضوع
قديم 23-08-2011, 08:58 PM #1

مصدر ماسي


كيفية تنظيف الجهاز باكمله !

كيفية تنظيف الجهاز باكمله !

كيفية تنظيف الجهاز باكمله !

فيه مجموعة من العلماء المختصين بعلم الميكروبات .. راحوا لشركة وجمعوا
33 كيبورد من مكاتب الشركة .. اختاروا الكيبورد بالذات لأنه أكثر شي يُستخدم
في الكمبيوتر ..




ولقوا من نتائج فحص الكيبوردات * بلاوي متلتله خلتهم يسمون هالدراسة بـ
دراسة " الله المستعان " لفحص أجهزة الكمبيوتر .

ولقوا وحدة من لوحات المفاتيح فيها خمسة أضعاف البكتيريا الموجودة في
المراحيض ( صاحب هالكيبورد يبي له يقول " غفرانك " عقب ما يستخدمه )

عقب هالدراسة قالوا العلماء إن سبب هالأشياء هو الأكل عند الجهاز وإن الواحد
يستخدم كيبورده وهو ما غسل يدينه عقب الأكل .. وبرضه قالوا من الأسباب إن
المستخدم يقوم بتعريض الجهاز لأماكن الغبار ولا يحرص على تغطيته ..
وزود على كذا : يدخن عند جهازه .

كل هالأشياء السابقة تعتبر بيئة خصبة لعيش البكتيريا .. يعني الكيبورد اللي
ما يُنظف يعتبر بالنسبة للبكتيريا فلة على شارعين بالشمال .

* جمع مؤنث سالم لكلمة كيبورد


[ وش الأضرار اللي تصير للجهاز إذا ما نظفته ؟! ]
- يتراكم الغبار ويسد منافذ التهوية
- بطء وتعليق الجهاز
- إعادة التشغيل المفاجئ
- يطفي الجهاز فجأة
- إرتفاع حرارة الجهاز
- تقليل الأداء
- تغيير ألوان عرض الشاشة
- جراثيم وبكتيريا

[ طيب وش أستخدم إذا جيت أنظف الكمبيوتر؟! ]
فيه أغراض معينة للتنظيف موجودة في محلات الكمبيوتر العادية ..
وفي جرير و بست .
و بالنسبة لأسعارها : تقريباً تعتبر متوسطة وتتراوح بين 10 إلى 40 ريال .

[ تنبيهات قبل البدء بالتنظيف ]
إيقاف تشغيل الجهاز
+ فصل الكابلات والأسلاك الموصولة بالجهاز
+ إخراج البطارية .

* قبل ما نبدا بتنظيف أجزاء اللاب توب .. نمسح كامل الجهاز
من الخارج بقماش قطني جاف .


[ تنظيف لوحة المفاتيح ]

* تنظيف الكيبورد يمر بثلاث خطوات :


كيفية تنظيف الجهاز باكمله


الأولى
باستخدام أعواد الأسنان .. ننظف اللي تحت أزرار الكيبورد .. اللي مبطي ما نظف جهازه
بتطلع له بلاوي تخليه يصاب بالوسواس القهري ولا يستخدم الكيبورد مره ثانيه إلا وهو
لابس قفازات

كيفية تنظيف الجهاز باكمله

الثانية
- نستخدم فيها البخاخ ( Compressed Air = الهواء المضغوط )
وطريقته هي رش خفيف من تحت لأنه إذا ضغطناه بقوه بيطلع لنا كمية كبيرة من
السائل .. ولأنها كبيره ما راح يمديها تتبخر كلها .. بعضها بس اللي يتبخر والباقي سائل .

- يكون الرش بشكل مائل من تحت الزر عشان تطلع الأشياء على سطح الكيبورد .

- يفضل إنه يصير معنا عود أسنان ومنديل خلال استخدام البخاخ عشان ننظف اللي يطلع
على سطح الكيبورد .

- عملية التنظيف تكون باتجاه واحد .. يعني نبدا من يمين الكيبورد ونمشي ليساره .

راح نلاحظ خلال التنظيف إن علبة البخاخ سوف تبرد من كثرة الاستخدام .. إذا صارت باردة
مره نتركها شوي تسخن وبعدين نكمل .. طبعا تفسير سبب برودتها هو تفسير فيزيائي

كيفية تنظيف الجهاز باكمله

الخطوة الثالثة
بواسطة أعواد القطن .. نغمسها بمحلول منزلي عبارة عن مويه وقليلاً من صابون
سائل .. عاد لا أحد يتحمس ويحط منظف كحولي قوي
بعد ما نغمس أعواد القطن بالمحلول .. نستخدمها في تنظيف جوانب الزر لأنها تصير
مغبره .. وإذا جينا ننظف زر معيّن نضغط الزر اللي جنبه عشان يعطينا نتايج أفضل .

ملاحظة : إذا طلّعنا أعواد القطن من المحلول .. نجففها بمنديل قبل ما نستخدمها بالكمبيوتر
عشان ما تصير مبللة ويدخل المحلول بين أزرار الكيبورد .

كيفية تنظيف الجهاز باكمله

آخر شي
نمسح سطح الأزرار بمناديل التنظيف .. ولا ينفع مناديل مبلله بالماء
لأنها ما تزيل بقع الزيت وبصمات الأصابع .
المناديل هذي تنفع لمسح لكل شي .. وتنظيفها ممتاز ..

كيفية تنظيف الجهاز باكمله


مكنسة الهواء .. ينفع نستخدمها أثناء استخدام البخاخ ..
عشان إذا طلع شي على سطح الكيبورد نشفطه
تشتغل عن طريق توصليها بمنفذ USB .. وعشاننا مسوين
إيقاف تشغيل للكمبيوتر اللي ننظفه نجيب كمبيوتر ثاني عندنا
ونشبكها فيه .

كيفية تنظيف الجهاز باكمله

أول خطوة نقوم بـ رش محلول تنظيف الشاشة على قطعة قماش ومن ثم نمسح الشاشة
بهذه القطعة .. ولا ينفع نرش المحلول على الشاشة مباشرة لأنها شاشة كريستال وليست
حوض زرع

فيه طريقة ثانيه أسهل وهي مناديل الشاشة الجاهزة .. نمسح بها مباشره بدون محاليل
أو غيره .. وطريقة التنظيف تكون بحركة منتظمة من الأعلى للأسفل .

كيفية تنظيف الجهاز باكمله

ثانياً نمسح الشاشة بقطعة قطنية وناعمه ، قطنية عشان مايكون فيها شحنات كهربائية ..
و ناعمه لأن الخشنة تخدش سطح الشاشة ( مهيب سهله شاشة الكريستال .. طلعت كيوت)

فيه شغلة مهمه لازم ننتبه لها أثناء التنظيف : وهي إننا نضغط برفق ولطف على الشاشة
لأنها حساسة وتتأثر .

ثالثاً بالنسبة للزوايا .. نلف منديل مبلل على عود أسنان وننظف به .

[ تنبيهات أثناء تنظيف الشاشة ]

- إذا جينا ننظف الشاشة نخليها على جنب عشان توضح لنا البصمات واللطخات .
- نتجنب استخدام المناديل الورقية / الجرايد / منشفة استحمام / مناديل / منديل المائدة .
- لازم ننتبه لشغلة مهمة في محلول الشاشة .. وهي إن المحلول لازم يكون خالي من
مادة الأمونيا " نشادر " لأنها تقلب ألوان الشاشة وتشوّه عرض الصورة .
- يمنع استخدام الماء العادي لأنه يترك آثار شبيهة بالخطوط البيضاء على الشاشة .

وعشان ما نقع في الأخطاء السابقة .. من الأفضل إننا نستخدم مناديل الشاشة الجاهزة .
( نفسها مناديل الكيبورد ) .

[ تنظيف الـ TouchPad ]

كيفية تنظيف الجهاز باكمله

أحيانا تنظيفه يطوّر من سرعة استجابته .. ننظفه بالمناديل المبللة ..
وعشان نكون أكثر دقة ناخذ عود أسنان ونلف عليه المنديل المبلل
وننظف الزوايا .

[ تنظيف المنافذ ]

كيفية تنظيف الجهاز باكمله

نلف منديل مبلل على عود أسنان وننظف به .. وبرضه نستخدم
البخاخ عشان الغبار .. بس المنافذ اللي فيها مراوح ما ينصح
باستخدام البخاخ لأنه أحيانا يخلي المراوح تدور بسرعه وتندمر
أو تتلف وعشان مانقع في هالمشكلة نستبدل الهواء المضغوط
بأعواد أسنان .

[ تنظيف المراوح الداخلية ]

يفضل إنها تكون عند الوكيل لسببين : عشان ما يروح عليك الضمان
إذا فتحت الكمبيوتر + صعوبة تركيب الجهاز بعد فتحه .

[ تنظيف محرك الأقراص ]

كيفية تنظيف الجهاز باكمله

فيه سي دي جاهز يجي معه سائل تنظيف .. طريقته إنك ترش السائل على السي دي
وتحطه في محرك الأقراص .. وفكرته هي وجود فرشة صغيرة .. إذا حطينا السي دي
في محرك الأقراص راح تدور الفرشة وتنظف الغبار .

[ تنظيف الـ CD ]

فيه طريقة يدوية معروفة لتنظيف السي دي وهي إنك تنظفه بقطعة قماش ناعمه وبطريقة
منتظمة من الداخل للخارج وعلى شكل عقارب الساعة الخ
بس هالطريقة ممكن ما تتم بشكل صحيح مما يسبب تلف معلومات السي دي .. لذلك من
الأفضل استخدام أجهزة مخصصة لتنظيف السيديهات .. موجودة في جرير .

كيفية تنظيف الجهاز باكمله

طريقتها هو رش سائل على سطح السي دي بعدين نحطه داخل الجهاز ومن ثم نغلق
الجهاز ونلفه بشكل دائري مثل الرحى لمدة 15 – 30 ثانية .

* فيه قلم خاص بالتنظيف وشغلته إنه يمسح المكتوب على السي دي
جربته على سي دي قديم له فوق سبع سنوات ولا مسح .. بس السيديهات الجديدة مسحها ..
يجي هالقلم مع مجموعة تنظيف كاملة .

[ ما بعد التنظيف ]

- نترك الجهاز شوي عشان ينشف بعدين نفتحه
- نستخدم أغطية الحماية حقت الشاشة والكيبورد ونضعهم على الجهاز عشان
تحفظه من الغبار والأشياء الأخرى .
- نحرص على ترك مجال للتهوية خلف جهاز الديسكتوب وخلف الشاشة وتحت اللاب توب .
- عدم الأكل والتدخين عند الجهاز .

[ كم مره لازم أقوم بعملية التنظيف للجهاز ؟! ]

تنظيف خارجي مره كل أسبوع ( مسح الجهاز من الخارج بقطعة قماش)
تنظيف شامل مره كل شهر أو شهرين ( مثل اللي بالموضوع)
تنظيف داخلي للمراوح مره كل عام .

هذا كل شيء اتمنى ان تكونوا استفدتوا من الموضوع





رد مع اقتباس

إضافة رد

مواقع النشر (المفضلة)

الكلمات الدلالية (Tags)
الجهاز , باكمله , تنضيف , تنظيف , كيفية

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
فن اتيكيت تنظيف السجاد والموكيت , كيفية تنظيف السجاد والموكيت دمعتي غلآك الديكور والإتيكيت 4 01-04-2012 12:13 AM
انتبه جلوسك امام الجهاز خطر جدا يارا المرأة والطفل 0 22-11-2011 06:32 PM
برنامج تسريع الجهاز والتصفح صافي النية شروحات وحلول مشاكل الكمبيوتر والانترنت 1 10-01-2010 12:52 PM
سوف أعرض لكم هذا الجهاز جدا ممتاز (n50) kill-me00 شروحات وحلول مشاكل الكمبيوتر والانترنت 2 29-08-2009 05:56 AM
كيفية فتح الجهاز بدون رقم سري عبيد العجمي شروحات وحلول مشاكل الكمبيوتر والانترنت 4 01-08-2009 12:52 AM


الساعة الآن 09:16 PM


Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.0 ©2011, Crawlability, Inc.
تصميم دكتور ويب سايت