طاح الحطب والحياة حلوة
سيارة مسرعة...وتدعس لها واحد
مسكين هندي...والعسكري صديق الطايش
الخطا نصه على الهندي...
والباقي على ابو الطايش...
وفي الليل الطايش يلعب بلوت...
عادي طاح الحطب .......وحلوه الحياة
غني ظالم ..
يطرد المساكين......و يستغل الضعوف
مغرور وفاسق..ومجلسه عامر
كلن يبهر له....
ومع ذلك يجمع حسنات... من كثر اللي يسبونه
عادي طاح الحطب .......وحلوه الحياة
مرفوع الكفن ابيض ...
وصاحبه وسط البياض...
بعضهم يبكي .. وبعضهم عادي ...
دفنوه وتباكوا شوي ..
وآخر الليل سكارى...
عادي طاح الحطب .......وحلوه الحياة
قارورة مويه .......
ما تضره .......طايحة في السيارة
يناظرها بغضب.......زعلان منها
و يفتح الشباك ......و رماها وسط الطريق
و اذا اجتمع مع الشباب قال:
متى بنتحضر؟؟؟؟؟؟
عادي طاح الحطب .......وحلوه الحياة
اهم شي الثوب نظيف.......و الشماغ مكوي
و القلم ماركة......والساعة تضوي
و الجزمة جلد.......والسيارة عجب
و تلفونه ما يسكت......إما بنات
أو البنوك تبي فلوسها
عادي طاح الحطب .......وحلوه الحياة
سطحية .......و مغرورة
غبية......و متكبرة......و يا ريتها حلوة
تبي زوج مواصفات......
ما يقول لا.......ويكره الاستراحات
لازم وسيم.....و انيق.....و متعلم.....و دخله ممتاز
و يحب السفر.........
و بعد سنين......تلاقي نفسها في الانترنت
تدور واحد يقبل بها
عادي طاح الحطب .......وحلوه الحياة
فتح الكمبيوتر......
و دخل للمنتدى......و كلامه ما يتعدى ان الموضوع روعة و رهيب
و هو ما قراه و لا يعرف كاتبه........
بس يبي يزيد المواضيع موضوع .......
ويزيد همومنا هم.........
علشان يصير صاحب الألف موضوع......
و يتميز........
والمشكلة انه يتميز
عادي طاح الحطب .......وحلوه الحياة
الكذب اثم.........ومع ذلك نستخدمه
و ندري ان هذا حرام........و مع ذلك نجربه
نتذكر السهرة و الفرح و السفر.......
و ننسى الجالسين على كتوفنا.........
و نتناسى ان معهم كتاب يسجل افعالنا و نياتنا.......
كل شي محسوب.......
حتى النظر......
نسينا ان ورانا يوم......علاماته قربت
ومع ذلك كلنا ناسين.......
أن بقيت على حالك تتناسى .......لازم تعرف إن:
ذاك اليوم مهوب عادي وانت الحطب و ما به حياة
عادي طاح الحطب .......وحلوه الحياة
