رجعت ابارك واطبل واطبطب
تويتر المصدر فيسبوك المصدر



العودة   المصدر السعودي > منتدى الأسهم > التحليل الفني > الأسهم السعودية




المواضيع الجديدة في الأسهم السعودية


إضافة رد
 
أدوات الموضوع انواع عرض الموضوع
قديم 30-04-2008, 10:16 PM #1
فانتاستيك

vip.gif


سلام الله على الجميع
ويخليكم ربي

صديق صار فلفل رهييييب قلنا وهو احمر بينسب والحمد لله
طبعا ومثل العادة حاط الامر على عشرة بالمية وراح بدون ما افتح الجهاز
والحمدلله على توفيقه

طيب خير ان شاء الله اول مرة واحد يطلع نسبة بيوم واحد طبعا لا
بس فيه فرق بيني وبين غيري انا لقيت حق النزالة واكثر الحمدلله
اللي بالقصيم الدعوة عامة للاعضاء فقط الاعضاء علشان ما نبلش والحقوا المفاطيح خخخخ
عموما ديم اكرر لي ولغيري من لقى شي يستاهله والله يهني الجميع ان شاء الله

المهم من الآخر اول مادريت خليت الشغل اللي بيدي ووينك يالجهاز لازم اشوف بعيني
الحرص حده
لقيت مبرد قدامي اخذت دفعة وحدة من راس المال وقسمتها نصفين ودخلت على بركة الله
30.50 و 30.25 لاحظ دفعة وحدة يعني ينقال لي حركات جديدة خخخخ
ياشين الفلسفة ولو انك خسران ماشفنا رقعة وجهك:ch2:

اللي اهم من هذا كله سكرت وماتابعت ورجعت اكمل مشواري عندي كم شجرة ناشبة بحلقي عند المعرض الشجر مغطي على لوحة المحل على عمود ورحت اتفاهم مع القصمان بالبلدية
وقبيت فيهم ياخذون اكثر من 7 الاف رسوم عليها من غير لوحات الجدار وسادينها بشجرهم

رجعت للبيت وكبرت المخدة
ياكثر قرقك قاعد تقص لنا قصة حياتك

طيب خلاص مافيه قرقر كثير بس صديق صار اهبل من البلدية السعر رجع زي ماكان قفل 67.50
السبت ان شاء الله بضف ولو كنت موجود اليوم كان ضفيت من زمان 69 اشوى ماني فيه خخخخ كان راح على ريال ونصف
تصدقون ان المتابعة اللصيقة نكبة هذا اللي اكتشفته
خليك رايق وتلقى خير لا تستعجل على رزقك
يعني مش غلط لو سويناها مثل الراتب الشهري يعني مرتين بالشهر دخول تحتريه لين يطيح ابو حظه
مجرد راي بس اهم شي تشتري حط امر 10 بالمية والصلاحية طويل الاجل

وسلامتكم
السوق فيه رجعه ورجعه والاسهم اللي تتبع المؤشر اتركوها
اللي يبي الدراهم يروح للمضغوط ويبشر بالمندي:a115:

مبررررررررد وصديق دخول السبت ويالله براد الجنة لي ولكم وتصبحون على خير:a084:

ادري فيه ناس تقول ماله داعي هالسوالف كلها بس يمكن فيه احد يستفيد لو شي بسيط من القرقة وهذا يكفيني ولو ما غلاكم ماخطيت ولا دخلت المنتدى والله يديم المحبة والعشرة ماتهون ولو كانت العشرة بالنت خخخخخ يالله تصبحون على خير وبكرة بكشت

التلفون مع الشباب ابو محمد ابومشاري ابوفهد ابوعلي ما ودي احطه على المكشوف
وآسف على الازعاج بس وعدتكم اذا اخذت سهم بطبل له
اللي خسران الله يعوض عليه ان شاء الله باسرع وقت
قبل ما اروح
اقول لكم شغله انا واعوذ بالله من كلمة انا لكن هذا ضمير المتكلم لغة عربية مضطر اكتبه
بضرب مثل ناوي ادخل سهم خليني اقول مبرد
اعمل حسابي اني اذا دخلت 30.50 لازم اتصوره قدامي 28 27 29 زي كذا اتصور السعر راح ينزل واشتغل عليها يعني لازم يكون معي فلوس وعامل حسابي انه بيرجع لهذي الاسعار علشان ما اتفاجأ بخسارة ماهي متوقعه شريت خلاص سويت اوامرك لاتنسى اوامر البيع بعد
واترك الجهاز
لحظة بعد كم سطر كتبت اوف باقي شوي وتصير خمسين سطر خخخخخ قود نايت




رد مع اقتباس
قديم 30-04-2008, 11:51 PM #2
الجنوبي

ملكي

اقتباس
خليك رايق وتلقى خير لا تستعجل على رزقك

كلام سليم 100%

اقتباس
ادري فيه ناس تقول ماله داعي هالسوالف كلها بس يمكن فيه احد يستفيد لو شي بسيط من القرقة وهذا يكفيني ولو ما غلاكم ماخطيت ولا دخلت المنتدى والله يديم المحبة والعشرة ماتهون ولو كانت العشرة بالنت خخخخخ

افاااااااااا والله هالقرقرة تسوى لها مسواه وانت من الروح وفيها


اقتباس
اعمل حسابي اني اذا دخلت 30.50 لازم اتصوره قدامي 28 27 29 زي كذا اتصور السعر راح ينزل واشتغل عليها يعني لازم يكون معي فلوس وعامل حسابي انه بيرجع لهذي الاسعار علشان ما اتفاجأ بخسارة ماهي متوقعه شريت خلاص سويت اوامرك لاتنسى اوامر البيع بعد
واترك الجهاز

ما شاء الله عليك شغل كبار

والله يوفقك ولا تحرمنا من هالقرقرة اللي يبيلها دلة مهيله مع تمره سكري خخخخخ
رد مع اقتباس
قديم 01-05-2008, 01:58 AM #3
راكااان

ملكي

اقتباس

ادري فيه ناس تقول ماله داعي هالسوالف كلها بس يمكن فيه احد يستفيد لو شي بسيط من القرقة وهذا يكفيني ولو ما غلاكم ماخطيت ولا دخلت المنتدى والله يديم المحبة والعشرة ماتهون ولو كانت العشرة بالنت خخخخخ يالله تصبحون على خير وبكرة بكشت

شرواك الطيب اخوي فانتا

الله يعطيك العافية قراءة

موفقة وتوصية رائعة

الله يرزق ملاك السهم

دمت..

راااايق..
رد مع اقتباس
قديم 01-05-2008, 08:18 PM #4
فانتاستيك

vip.gif

اخواني الجنوبي محمد
يخليكم ربي
ما احد اتصل شكلكم شبعانين خخخخ
ناوي على الكشتة اليوم بس سبحان الله قلب الجو وصار غبار غبار مطر غبار مطر غبار اللهم لك الحمد
عندي ملاحظة زغنطوطة انحاشوا عن الاسهم اللي تتبع المؤشر في الصعود والنزول
احتمال التراجع اكبر من الارتفاع والله اعلم
يعني شوفوا الاسهم اللي تعاكس المؤشر والمضغوط مثل ماقلنا مايخوف
واحتمال يكون تداول شركات التامين الثلاث قريب
اهل التامين ركزوا على اعادة اتوقع راح يصير عليها شغل افضل من التعاونية والله اعلم
رد مع اقتباس
قديم 02-05-2008, 04:48 AM #5
zedmaaen

مصدر فضي

موفق فانتا ان شاء الله وشكل الكشته بتجي بالمؤشر يوم السبت واحتمال تغبر وتمطر والله العالم
رد مع اقتباس
قديم 02-05-2008, 05:12 AM #7
الظاهــري

مصدر ماسي

الله يوفقك ووفق الجميع
رد مع اقتباس
إضافة رد

مواقع النشر (المفضلة)

الكلمات الدلالية (Tags)
ابارك , رجعت , واطبطب , واطبل

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ما رجعت من الغياب الا عشانك , مسجات sms مصورة , وحدة للجوال الكـايد ركن المنوعات 1 30-07-2012 02:12 AM
ما رجعت من الغياب الا عشانك , وسائط mms وداع , سفر , رحيل للجوال الكـايد ركن المنوعات 1 30-07-2012 01:58 AM


الساعة الآن 03:09 AM


Powered by vBulletin® Version 3.8.7
Copyright ©2000 - 2016, vBulletin Solutions, Inc.