راحت بك الأيام يا شمعة الكون ...... وبدت تفاصيل القلق ..والنهاية
البعد يحرق وردة الروح بالهون ...... هذا .. وانا توّي بدرب البداية
صارت حياتي كلها هم وحزون ..... واللي حصل لي منك فيه الكفاية
عذبتني يا موجع القلب بطعون ....... وانكر في درب المحبه وفايه
كذبت فيك الناس مهما يقولون ..... وظللت نكرانك بدوحة عطاية
كنت احسبك للحب والعهد مأمون ... وهديت لك قلبي وصادق غلايه
عجل بوصلك قبل ما انساك وتهون .. الصبر في فرقاك يجبر عزايه