9600 الى 10000 يعني اربعمية او خمسمية يتحركون فيها
وماتغير شي للحين نفس اللعبة رفع شوي شوي شوي وبعدين يخفسون به بالمئات


وأنا للحين في الأهلية للتأمين مدري وش جاني عليها
الحين براس المال وماني محركها خاصة هاليومين
والسبب جاتني سيولة غير ربع راس المال الباقي من قبل
يعني بوسع صدري واشوف آخرتها يعني مع دخول الصيف بحط ببطني جحة (بطيخة) صيفي
وبخلي المضاربة شهرية على الاقل يعني الشغل بيصير بالشهور وان شاء الله المكاسب تكون جيدة
وبدون حرق اعصاب ومتابعة لصيقة وامسك الرجال اطرح الرجال مليت من الشغلة

المهم اذا فيه مكسب طيب ومحرز يعطيني 50 بالمية من راس المال بركة في بركة ان شاء الله
واذا بعت بصبر لين تجيه طيحة مثل طيحة الاسعار هالايام وبدخل بعدها
شغل اول خلاص ابيع واذا رجع شوي ادخل مايخارج

الزبدة مضاربة وقفتها قرار نهائي لا رجعة فيه


كل اللي قلته قبل ماتغير فيه شي
الاسهم اللي مرتفعة انحاشوا عنها وعليكم ببوقاع مكسور خخخخ
وصدقوني مالقيت ارباح الا بتنظيم المحفظة وخاصة السيولة وتجزئتها والاختيار المتأني للسهم

طبعا اختيار فني وليس بموجب تحليل مالي لأن السوق مضاربة وبس

تصبحون على خير ودربكم رايق ان شاء الله