السلام عليكم ورحمة الله وبركاته
رأي شخصي (يعني شارت خاص) خخخخ

كلنا فاكرين كيف دعس المؤشر والكل وقف يتفرج على الصرقعة اخضر قوة قوة
يعني ارتفاع عمودي بسبب اسهم قيادية طبعا لزوم التصريف لسهم سابك اللي كان مضغوط
وقلنا قبل كذا ضغط تجميع رفع تصريف هذي زبدة سلوك اي سهم عموما
بس هالمرة سهم قيادي وكان له تاثير على المؤشر
قلت قبل سابك بنشوفها احتمال 130 او اذا المضارب غاسل يده من السهم بيرجع اقل من 130
طيب خير ان شاء الله ماجبت شي جديد قرقتك هي هي

طبعا نفس توقعي لازال السوق مهيأ للهبوط اكثر من فرص ارتفاع

المهم اللي ابغى اقوله بما ان التراجع متوقع سيكون فيه استغلال للتراجع
التامين سجل التراجع خاصة ابو 4 مليون قيعان جديدة
وغالبا الشراء عند القيعان مايخوف اذا كان الشراء بطريقة مناسبة لتقلبات السوق يعني دفعات

رأس مالك ثروتك وما اعتقد احد يبغى يخسر ثروته ويدخل سوق الاسهم بسعر واحد بكل الثروة ويمكن زيادة عليها ديون وقروض

الايام الجاية لا تشتغل بفلوس انت محتاجها ولا تتدين علشان تدخل السوق
الضغط احتمال يستمر واللعبة لعبة نفس وصبر وهم يحاربون الصغار بالسيولة
اللي يرقل يترك شاشة التداول ومافيه داعي يخليهم يلعبون باعصابه

الحين معي الاهلية 64.5 متوسط الشراء ومثل ماقلت عيني عليه 60 وتحت
يعني راسم على السهم وعامل احتياطي سيولة يؤهلني للدخول عند هذه الاسعار واقل شوي

وعلشان اجيبها من الآخر
الهامور يرفع اذا لقى الملاك يتنازلون له ويعطونه اسهمهم
اما اذا ماكو فايدة يبي يضغط ويضغط لين تبيعون من باب اللي مايرضى بالحمى يرضى بالنفاضة خخخ

والجميع يسأل وهو مقهور ليش اذا بعت سهمي ارتفع السهم واذا دخلت نزل
وهذي هي المعادلة ان اعطيناه رفع علشان يصرفهم مرة ثانية وان اشترينا منه نزل علشان يجمع في منطقة سعرية اقل

معي الاهلية وبس ماعندي غيرها
ثلاث اوامر شراء يوم السبت 61 و 59 و 57 وماراح اتابع السوق فرق 3 % بين الطلبات تقريبا
والسبب بكل بساطة اني امشي على خطة بكذا اكون دخلت بحدود ثلثين السيولة واكثر شوي تقريبا ثلاث ارباع السيولة
على كل اسهم الخشاش مهيأة لمزيد من الارتفاع لكن ماراح يرتفعون قبل استغلال الاحمر

يعني سهم مثل صدق احتمال عطاءه كان واضح من سعر 19.50 وفعلا ارتفع للعشرين
لكن احمرار المؤشر ونفسيات المتداولين ضروري يستغلها علشان كذا وقف عند 20
ورجع 19.5 مرة ثانية
كل واحد يتابع سهمه ولا يلتفت لتطبيل او ارجاف سهمك وبس ومش اي سهم الاسهم اللي نازلة من قمة انحش عنها وسلامتكم على فكرة بيصير استغلال للهوشة في لبنان بين الموالين للصليب وبين الموالين للشيعة اكيد المعزب بيزعل على خواله واذا مافزعوا اعمامه يمكن ينكب سوقهم خخخخ
سوالف عجز