يخليكم ربي
الحين احنا في منطقة دخول بدفعة اولى على الاقل هذا للي برا السوق
اللي متعلق ماله الا الصبر واذا هو متمكن وباقي عنده كم قرش لازم يدخل بدفعة ثانية ويعدل
التعديل قلت كم مرة ماهو علشان ينزل سعر السهم بالمحفظة
قصدي بالتعديل المضاربة بالدفعة الرابحة وسلامتكم

الدخول يكون في الاسهم اللي ماكله هوى وبدفعة
اما الاسهم اللي رافعه المؤشر ممنوع الاقتراب
ويمكن سابك مثلا ام سبعين ريال قبل كم شهر ترجع فوق المية شوي 130 تقريبا
وهذا مثل

اسوي روحي مثل الهوامير لو كنت مالك السهم وطقيت الطبلون ووصلته للهدف بدبس العالم فيه بالقمة
بعد كذا ايش يصير لو بعت ثلث الكمية على القمة قبل كذا ما ننسى 70+70+70=210 مثلا
يعني لو بعت الثلث بسعر 210 معناها السهم صار قيمته بلاش عندي وهذا يسمونه تصحيح (تصحيح سعر السهم بمحفظة الهامور) خخخخ وهذا من جد معنى التصحيح بالنسبة لي
ماراح امسك السهم واخلي العالم تصرف علي بسبب خوف اوقناعة
طيب طاح السهم صار سعره 170 ريال هنا اثبته بطلبات شراء واعطي دفعه ثانية طبعا ماراح احد يعطيني كلهم متعلقين ما عليك خوف الا من اهل الدفعات
بعدها يسوي ارتداد واكيد الكثير بيدخلون
طبعا اذا العالم صاروا مفاجيع وصار شراء قوي للسهم مايمنع اني اعطيهم
هذا اذا صرت هامور
بس شكلي على هالتفكير ماني حولهم تفكير سردين وتخب على قول طاش ماطاش

الزبدة المؤشر يخوف بصراحة يعني قيادي ممنوع الاقتراب
ويمكن اقول يمكن الاسهم تخضر في وقت السوق يكون فيه احمر
اطول عليكم شوي
الاسعار الحين وش ماسكها اكيد التجميع ولو كان الهامور غاسل يده من السهم
كان يصير نسب احمر ورى بعض

طيب وش بتسوي يارعي القواطي الفانتا

السبت لا تستعجل الدخول راقب الافتتاح وحاول تقنص سهمك بافضل سعر قدر الامكان

طيب وش آخذ
بسيطة بس ما تستبسطهاش
عندك مثلا سهمين تهامة ومبرد خلينا نقول نوزنها شوي
السهمين ماشين مع بعض من زمان
ارتد تهامة وما ارتد مبرد العقل هنا يقول اكيد بدخل مبرد ودفعة احتياط
طبعا الكلام هذا مش اكيد لانك مستحيل تعرف ايش ناوي راعي السهم
المهم اسيج معي الحين ومتوقع لها عطاء الاسبوع الجاي
وعطاء مضاربي بحت
حاليا حاط امر شراء 65 وامر بيع 70.5 وصلاحية طوال الاسبوع

رسائل عبر التداول
هل تعلم ان الهامور ينقهر بس طبعا مايخاف
اذا شاف امر شراء مثلا 2222 وسويت عليه تعديل وخليته 1111
هذي اشارة معناها تراني معاك وقاعد لك بدفعه
جربوها بس لاتتوهقون اذا سويتوها اتحدى المضارب يضغط على السهم
بس مجرد اشارة رسالة يعني تعدل الامر على طول 300 ثم 150 طبعا المية وخمسين اللي شلتها من الامر احطها على طول شراء نسبة تحت
وتاكدوا انه يتابع التحركات وحدة وحدة
قرقر كثير صديق انا وجعت راسي وشلون روسكم خخخخخ سلام عليكم