1ـ شنهو اهوه مسلسلك الكرتوني المفضل <== ايام الطفوله ؟؟
1/ والله أنا كنت أناظر (الكابتن ماجد) هههههههه.

2ـ اسم الشخصية الي تجذبك بهذا الكرتون ؟؟
2/ الشخصية اللي تعجبني كان عمر كنت اضحك عليه.

3ـ شنهو رأيك بمسلسلات الكرتونيه الحاليه وما هو اثرها على الاطفال ؟؟
3/ بصراحه ما هضمتها ابدا واثرها على الاطفال واضح من الجيل اللي طالع.

4ـ شنهو كان ودك وانت صغير تصير في المستقبل ؟؟
4/ كان ودي اصير طيار. عشان كذا اشرب ريد بول كثير الحين هههههههه.

5 ـ موقف صارلك وانت صغير ومو قادر تنساه ؟؟
5/ هههههه كنت مره ماشي عند عماره فيها كراج سيارات المهم حصلت سيكل خربان شوي مافي فرامل المهم اخذته وركبته وقاعد العب فيه المهم الكراج حق العماره جاي على نزول المهم اخذت السيكل وطلعت لين اول الكراج ونزلت ههههههه وما اشوف نفسي الا مسرع ولا عرفت اهدي السيكل لان مافي فرامل وما شفت نفسي الا بالجدار ههههههههه.

6ـ اكثر شي كنت تخاف منه وانت صغير ؟؟
6/ كنت اخاف من اي لعبة تدور لاني كنت ادوخ .وصار لي مواقف فيها بالملاهي حتى صرت ابكي ههههه.

7ـ يوم دخلت اول يوم بالدراسة بالروضة او الابتدائية مو شرط يعني اول يوم دراسة لك بعيد عن الاهل (( بكـــــــــــــــــيت )) ؟؟؟
7/ لا ما اذكر اني بكيت بالعكس كنت مبسوط .

8 ـ اكثر مدرس او مدرسة كنتوا تحبونه وللحين تتذكرنه مو شرط تقولون الاسم قولوا اسم المادة ؟؟؟
8/ مدرس الرياضه.

9ـ لو يقولون لك ترجع لايام الطفويه تغير شغله وحده بس شنهو كنت راح تغير ؟؟
9/ راح اغير الوكيل حق المدرسه . ولو اقدر ألغيه احسن .


10 ـ (( كلمة اخيره شنهو تعني لك الطفوله حاليا وقبل )) وشنهو الفرق بينهم ؟؟؟
10/ بصراحه ما فهمت السؤال زين . بس ايام الطفوله حلوه الواحد كان يسوي الشي من غير ما يفكر فيه كان يضحك ويفرح ويلعب ويخرب ما كان عنده هموم واشغال ومشاكل .، بس للاسف الواحد لما كان صغير كان ينتظر متى يشوف نفسه كبير بس يوم يكبر يتمنى ان الايام ترجع به صغير.



يسلموووووووو ومشكوره اختي على الموضوع الحلو اللي صدق خلاني اتذكر اشياء حلوه بالماضي.