ياقلب لا تحزن على فقد غاليك
0000000000دام الكرامه تاجهــا راس مــــــالك
لازم تبيع وعزّة النفس تشريـــــك
0000000000إشرب فناجيل الصـــبر مــن دلالك
لاالحب ينزل بك ولا الحسن يغريك
0000000000مادام عز النفس عمّـك وخـــــــالك
ياقلبي إصبر وإن تردّت خطاويك
0000000000نفسي على هام الثريا بــــــــــدالك
(والا انت ياللي تايهٍ في مساريــك
0000000000والله مايرجع زمـــانٍ مضــــــالك )
اللي بقى من باقي الحب يكفيــــــك
0000000000تعيش به ماعاش راسك لحـــــالك
والا الثقه راحت مع أيام ماضيــك
0000000000مالك عهد ياخاين الـــــــــود مالك
بعد الخطا ضاعت شوامخ مواريك
0000000000وعقلك وثقلك والغــــرور ودلالك
شانت تفاكيرك وضاعت مباديك
0000000000واصبحت أشوفك شي كنه خيــالك
الله يخليك لشبابك ويحميـــــك
0000000000اللي ببالي شي ماهـــو ببــــــــالك
مانيب من لاخنت عهده يراضـيـــك
0000000000اللي على راسه لو أخطيت شــالك
لوكان قلبي ماإنقضت رغبته فيــك
0000000000ويفز لإسمك وان حكوا في مجالك
خذيت درسٍ في حياتي وباعطيـــك
0000000000درسٍ تحطه طول وقتك قبــــــالك
(ضيّعت لك شيٍ عن الكل يغنـيــــك
0000000000 ولا ينفعه ذالحين ساحـــــر جمالك)
أصبحت مثل التسليه للصعــــاليك
0000000000اللي تبي فخر الغزل من خـــــلالك
أحذر من اللي ضحكتك له تدنيــك
0000000000 لو كان ما طالك له لســــــان طالك
(وإسلم وسلّم لي على أيام ماضيك
0000000000وقت الثقل يوم العقل راس مـــــالك)





مجهول