يقول اللي ينصح نفسـه ******** لعـل المولـى يهديـهـا
بعد نفسه ينصـح ربعـه ******** الأسرة واللـي يواليهـا
ترى النصيحة صريحـه ******** وإلا الفضيحـة مابيـهـا
اللـي يفهمهـا يأخذهـا ********* وان ما جـازت فيخليهـا
أوصيهم على تقـوى الله ******* يا ويل اللي يزهـد فيهـا
تقوى الله هي راسالمال ******* والدنيـا للـي واليـهـا
أشوف النفـس الكريمـة ******* ما تقبل شـيءٍ يؤذيهـا
التقوى الخوف مـن الله ******* عليـهـا درعٍ يحميـهـا
واللي نفسه مـا يقهرهـا ******** تـروح لشـيءٍ يرديهـا
مثل الفراشـة مسكينـة ******** تحـب النـار وتشويهـا
ترى النفس مثل الفـرس ******** تبغـى ركـابٍ عاصيهـا
واللي طاوع هوى نفسـه ******** لا يمكـن انـه يرضيهـا
لاصارت نفسـك طماعـه ******* مهما جاها مـا يكفيهـا
لو تعطيها أمـوال الدنيـا ******* * قامـت تكثـر شكاويهـا
لكـن علمهـا القناعـة ********* تـرى القناعـة تغنيهـا
خذ من الدنيا قدر الحاجه ******* واتركهـا للـي يبغيهـا
أموالـك لا تشغـل بالـك ******** تـراك لغيـرك بازيهـا
لـو تجمعهـا وتودعهـا ********* تـرى وراثـك ناويـهـا
لـي خذوهـا بعثروهـا ******** جت لناس ما تعبوا فيهـا
المعاصـي لا تقربـهـا ******** ولا تجلس مـع راعيهـا
لين شفت اللي يشرب تتنه ***** قل يا أخي ليتك ترميهـا
التتنـه ريحتـه عفـنـه ********* يا شاربها وشلـك فيهـا
تـرى الزقـارة مـراراه ******** مير الشيطـان يحلويهـا
مضرتهـا فـي جرتهـا ******** يا خسارة مـن يشريهـا
والله ما يشربهـا عاقـل ******* لانـه يفهـم بلاويـهـا
تتلف ماله وتاكـل حالـه ****** ونفسه تضعف هقاويهـا
إلى قال أف قالـت خـف ****** خفت عقله ورغب فيهـا
الجاهل ما يحـرم نفسـه ****** كبده بالجمـرة يكويهـا
والى خرقهـا واحرقهـا ****** وأتلفهـا راح يداويـهـا
بعد شيبه يظهـر عيبـه ****** والصحة يذكـر ماضيهـا
هذه النصيحـة صريحـة ******* للـي يفهـم معانيـهـا
نصيحة شايب ومجـرب ******* كل أمـوره فكـر فيهـا
وختم القـول بذكـر الله ****** في أولهـا وفـي تاليهـا
صلوا على خيـر عبـاده ****** شفيـع الأمـة هاديـهـا